ទីភ្នាក់ងារសារព័ត៌មានមជ្ឈិមកូរ៉េ បានរាយការណ៍ថា អ្នកនាំពាក្យក្រសួងការបរទេសកូរ៉េខាងជើង បាននិយាយថា សហរដ្ឋអាមេរិក កំពុងបង្កើតការគំរាមកំហែងតាមអ៊ីនធឺណិតប្រឆាំងនឹងរដ្ឋដែលមានអធិបតេយ្យភាពផ្សេងទៀត រួមទាំងទីក្រុងព្យុងយ៉ាងផងដែរ។

នៅចុងខែមិថុនា អាជ្ញាធរអាមេរិក បានចោទប្រកាន់ពលរដ្ឋកូរ៉េខាងជើង ៤នាក់ពី បទលួចរូបិយប័ណ្ណគ្រីបតូ ហើយដាក់ពួកគេ នៅក្នុងបញ្ជីស្វែងរកចាប់ខ្លួន។ ក្រសួងការបរទេស បានហៅការចោទប្រកាន់ទាំងនេះ ថាជាការបង្ហាញមួយទៀតនៃអរិភាពរបស់ទីក្រុងវ៉ាស៊ីនតោនថា ជា«ការបង្កាច់បង្ខូចដោយគ្មានមូលដ្ឋានផ្អែកលើទម្រង់គ្មានមូលដ្ឋាននៃការគំរាមកំហែងតាមអ៊ីនធឺណិត" និងការប៉ុនប៉ង ដើម្បីបង្ខូចមុខមាត់របស់ប្រទេសនេះ។ ទីក្រុងព្យុងយ៉ាង បានសម្តែងការព្រួយបារម្ភអំពី «ការបង្កហេតុ» ដោយភ្នាក់ងារអនុវត្តច្បាប់របស់សហរដ្ឋអាមេរិក ដែល «រំលោភលើសិទ្ធិ និងផលប្រយោជន៍របស់ពលរដ្ឋកូរ៉េខាងជើង»។

អ្នកនាំពាក្យម្នាក់ បាននិយាយថា៖«ការគំរាមកំហែងពិតប្រាកដចំពោះសន្តិសុខតាមអ៊ីនធឺណិតអន្តរជាតិ គឺមិនមែនជាយើងទេ ប៉ុន្តែគឺសហរដ្ឋអាមេរិក»។ អ្នកការទូតរូបនេះ បានកត់សម្គាល់ឃើញថា៖សហរដ្ឋអាមេរិកដែលបានប្រែក្លាយអ៊ីនធឺណិត ទៅជាសមរភូមិជាយូរមកហើយនោះ នៅតែបន្តគំរាមកំហែងដល់សន្តិសុខអ៊ីនធឺណិតរបស់រដ្ឋដែលមានអធិបតេយ្យភាព រួមទាំងប្រទេសរបស់យើងផងដែរ។ ប្រទេសនេះ ក៏ប្រើ បញ្ហាសន្តិសុខតាមអ៊ីនធឺណិត ជាឧបករណ៍នយោបាយ ដើម្បីបង្ខូចកេរ្តិ៍ឈ្មោះប្រទេសផ្សេងទៀត»។ អាជ្ញាធរកូរ៉េខាងជើងរក្សាសិទ្ធិក្នុងការ «ចាត់វិធានការសមស្របនិងសមាមាត្រ ដើម្បីការពារសន្តិសុខនិងសិទ្ធិយ៉ាងខ្ជាប់ខ្ជួន»របស់ពលរដ្ឋខ្លួន។