នៅថ្ងៃសុក្រនេះ មនុស្សនាំគ្នាកាន់ទុក្ខមនុស្សជាទីស្រលាញ់របស់ពួកគេក្នុងទីក្រុង Khan Younis តំបន់ហ្កាហ្សា ដែលត្រូវបានសម្លាប់នៅក្នុងការបាញ់ប្រហាររបស់អ៊ីស្រាអែល ។

ក្រុមមន្រ្តី និងក្រុមសាច់ញាតិ និយាយថា ជនប៉ាឡេស្ទីនមួយចំនួន ត្រូវបានសម្លាប់នៅក្នុងការវាយប្រហារកាលពីយប់កន្លងទៅនៅទីក្រុង Khan Younis ហើយមនុស្សផ្សេងទៀត ត្រូវបានសម្លាប់ ពេលព្យាយាមទទួលជំនួយស្បៀងអាហារ ។

ប្រធានាធិបតិសហរដ្ឋអាមេរិកលោក Donald Trump និយាយនៅថ្ងៃសុក្រនេះថា យើងប្រហែល នឹងដឹងក្នុងរយៈពេល ២៤ម៉ោងទៀត ថាតើក្រុមជីវពលប៉ាឡេស្ទីនហាម៉ាស យល់ព្រមឬអត់ ដើម្បីទទួលយកអ្វីដែលលោកហៅថាជាសំណើចុងក្រោយសម្រាប់បទឈប់បាញ់អ៊ីស្រាអែល-ក្រុមហាម៉ាស នៅតំបន់ហ្កាហ្សា ។

លោក Trumpនិយាយកាលពីថ្ងៃអង្គារថា អ៊ីស្រាអែលព្រមទទួលយកលក្ខខណ្ឌត្រូវការបញ្ចប់បទឈប់បាញ់រយៈពេល ៦០ថ្ងៃ ជាមួយក្រុមហាម៉ាស អំឡុងពេលដែលភាគីពាក់ព័ន្ធនឹងធ្វើការដើម្បីបញ្ចប់សង្រ្គាម ។

ខណៈពេលនោះដែរ ការិយាល័យសិទ្ធិមនុស្សអង្គការសហប្រជាជាតិ (UN) បានឲ្យដឹងនៅថ្ងៃសុក្រនេះថា ខ្លួនបានកត់ត្រាការសម្លាប់ជនប៉ាឡេស្ទីនយ៉ាងហោច ៦១៣នាក់ ទាំងនៅទីតាំងជំនួយគ្រប់គ្រងដោយមូលនិធិមនុស្សធម៌ហ្កាហ្សា (GHF) ដែលគាំទ្រដោយអាមេរិក និងអ៊ីស្រាអែល ក៏ដូចជានៅក្បែរក្បួនរថយន្តមនុស្សធម៌គ្រប់គ្រងដោយក្រុមសង្គ្រោះផ្សេងទៀត ៕