​

ប្រធានាធិបតីសហរដ្ឋអាមេរិក លោក ដូណាល់ ត្រាំ បានចុះហត្ថលេខាឲ្យចូលជាច្បាប់ លើសេចក្តីស្នើច្បាប់គោលនយោបាយក្នុងប្រទេសរបស់លោក ដែលរួមមានការកាត់ពន្ធសប្បទាន និងការកាត់បន្ថយការចំណាយ។ លោក Trump បានចុះហត្ថលេខាលើសេចក្តីស្នើច្បាប់នេះ នៅសេតវិមានកាលពីថ្ងៃសុក្រ បន្ទាប់ពីការអនុម័តនៅក្នុងព្រឹទ្ធសភា កាលពីថ្ងៃអង្គារ និងនៅសភាកាលពីថ្ងៃព្រហស្បតិ៍។

សេចក្តីស្នើច្បាប់នេះ បានបង្កើនការព្រួយបារម្ភថា ការកាត់ពន្ធក្នុងទ្រង់ទ្រាយធំអាចនាំឱ្យមានការធ្លាក់ចុះផ្នែកហិរញ្ញវត្ថុ។ សូម្បីតែសមាជិកសភាមកពីគណបក្សសាធារណរដ្ឋដែលកំពុងកាន់អំណាចមួយចំនួន ក៏បានជំទាស់នឹងសេចក្តីស្នើច្បាប់នេះ ប៉ុន្តែលោក Trump បានបញ្ចុះបញ្ចូលពួកគេភាគច្រើនឱ្យអនុម័តសេចក្តីស្នើច្បាប់ដោយជោគជ័យ។

លោកបានថ្លែងសុន្ទរកថា នៅឯសេតវិមានកាលពីថ្ងៃសុក្រមុនពេលចុះហត្ថលេខាថា «នោះជាការកាត់ពន្ធច្រើនបំផុតនៅក្នុងប្រវត្តិសាស្ត្រប្រទេសរបស់យើង» និងបានសង្កត់ធ្ងន់ថា សហរដ្ឋអាមេរិក ត្រូវបានគេរំពឹងថានឹងទទួលបាននូវកំណើនសេដ្ឋកិច្ច «ដូចយានចម្លង»។ ច្បាប់នេះ ពង្រីកការកាត់ពន្ធផ្ទាល់ខ្លួនពីអាណត្តិដំបូងរបស់លោក ហើយលើកលែងតែពន្ធលើកំរ៉ៃក្រៅនិងប្រាក់បន្ថែមម៉ោង សម្រាប់បុគ្គលិកភោជនីយដ្ឋានក្នុងអំឡុងពេលជាក់លាក់មួយ។

ច្បាប់ដែលត្រូវបានអនុម័តមានលក្ខណៈពិសេសដើម្បីកាត់បន្ថយការចំណាយ ដូចជាការលុបចោល និងការកាត់បន្ថយអាជីវកម្មក្នុងការដោះស្រាយបម្រែបម្រួលអាកាសធាតុ និងការរឹតបន្តឹងប្រព័ន្ធធានារ៉ាប់រងសុខភាពសម្រាប់អ្នកដែលមានប្រាក់ចំណូលទាប។