នៅថ្ងៃសៅរ៍ (ទី ខែកក្កដា) នេះ ប្រទេសម៉ាឡេស៊ី បានឲ្យដឹងថា ខ្លួនបានដាក់ពន្ធប្រឆាំងការបង្ខូចតម្លៃបណ្តោះអាសន្ន ចាប់ពីអត្រា ៣,៨៦ភាគរយ ដល់ ៥៧,៩ភាគរយ លើការនាំចូលផលិតផលដែក និងដែកថែបមួយចំនួនពីប្រទេសចិន កូរ៉េខាងត្បូង និងវៀតណាម។

ក្រសួងវិនិយោគ ពាណិជ្ជកម្ម និងឧស្សាហកម្ម បានឲ្យដឹងនៅក្នុងសេចក្តីថ្លែងការណ៍មួយថា កាតព្វកិច្ចពន្ធនាំចូលលើផលិតផល ពាក់ព័ន្ធនឹងដែក ឬដែកថែប ត្រូវបានដាក់ដោយផ្អែកលើការសម្រេចផ្លូវការបឋម ដែលត្រូវបានធ្វើឡើង អំឡុងពេលមានដំណើរការស៊ើបអង្កេតកាតព្វកិច្ចបង់បន្ធប្រឆាំងការបង្ខូចតម្លៃ ដែលបានផ្ដួចផ្ដើមឡើងកាលពីថ្ងៃទី៦ ខែកុម្ភៈ។

ក្រសួងបានឲ្យដឹងថា៖ «រដ្ឋាភិបាលបានរកឃើញថា មានភស្តុតាងគ្រប់គ្រាន់ដែលបង្ហាញថា ការនាំចូលទំនិញជាកលាក់មួយចំនួន កំពុងត្រូវបានលក់ក្នុងតម្លៃថោក ហើយថា ការស៊ើបអង្កេតគួរតែត្រូវបន្តធ្វើ»។

ក្រសួងបានបន្ថែមថា កាតព្វកិច្ចបង់ពន្ធបណ្តោះអាសន្ននេះ នឹងចូលជាធរមានចាប់ពីថ្ងៃចន្ទ រហូតដល់ ១២០ថ្ងៃ ដោយការសម្រេចចិត្តចុងក្រោយ នឹងធ្វើឡើងនៅថ្ងៃទី៣ ខែវិច្ឆិកា៕