បាល់ទាត់៖ ​ខ្សែប្រយុទ្ធ​អេ​ស្ប៉ា​ញ Ferran Torres បាន​ឈរ​បង្ហាញខ្លួន​ជា​ផ្លូវការ​ហើយ​នៅ​កីឡដ្ឋាន Camp Nou របស់ FC Barcelona ក្រោយ​ផ្ទេរ​ពី Manchester City ក្នុងតម្លៃ ៥៥លាន​អឺរ៉ូ​។ ​និយាយ​ជា​សាធារណៈ​លើកដំបូង​ក្នុង​ពិធី​បង្ហាញខ្លួន កីឡាករ​វ័យ ២១ឆ្នាំ​រូបនេះ​បាន​ហៅ​ការផ្ទេរ​មកកាន់ Barcelona លើក​នេះ​ជា​ក្តី​ស្រមៃ​ក្លាយជា​ការពិត​។

​​Manchester City ជា​ក្លិប​អស្ចារ្យ​មួយ​តែ​ការផ្លាស់​មកកាន់ Barcelona ជាការ​បោះជំហាន​ដ៏​ធំ​មួយទៀត​ក្នុង​អាជីព​របស់ខ្លួន Ferran Torres បន្ថែម​។ ​កីឡាករ​វ័យ ២១ឆ្នាំ​រូបនេះ​បាន​ត្រលប់​ទៅកាន់​ទឹកដី​អេ​ស្ប៉ា​ញ​វិញ​ បន្ទាប់ពី​ចំណាយពេល​ត្រឹម ១៨ខែ​នៅ​ទឹកដី​អង់គ្លេស​ផ្ទេរ​ពី Valencia​។ ​Ferran Torres បាន​ចុះហត្ថលេខា​លើ​កិច្ចសន្យា​ដែលមាន​សុពលភាព​ដល់​ឆ្នាំ២០២៧ អម​ជាមួយនឹង​តម្លៃ​ផ្តាច់កុ​ច​ត្រា ១ពាន់​លាន​អឺរ៉ូ​ថែមទៀត​។ ​ខ្សែប្រយុទ្ធ​សញ្ជាតិ​អេ​ស្ប៉ា​ញ​រូបនេះបានបង្ហាញ​ខ្លួន​សរុប ៤៣ប្រកួត និង​ស៊ុត​បញ្ចូល​ទី ១៦គ្រាប់​ឱ្យ Manchester City តាំងពី​ផ្លាស់​ពី Valencia នៅ​ខែសីហា ​ឆ្នាំ២០២០​។

​​Ferran Torres បាន​ចូល​លេង ៦ប្រកួត​ដំបូង​នៅ Premier League ឱ្យ Manchester City មុនពេល​ដែលមាន​របួស​ជើងពេល​ជួយ​ក្រុម​ជំរើសជាតិ​អេ​ស្ប៉ា​ញ​។ Torres ធ្លាប់បាន​ប្រាប់​ទៅ Pep Guardiola ថា​ គេ​ចង់​ចាកចេញ​ផងដែរ​ដើម្បី​ធានាបាន​ការលេង​ដែល​ទៀងទាត់​មួយ ស្របពេល​ឱកាស​មិនសូវ​មាននៅ Etihad ក្នុង​តំណែង​ដ៏​ចង្អៀត​ប្រជែង​ជាមួយ Bernado Silva, Jack Grealish, Riyad Mahrez, Gabriel Jesus, Phil Foden និង Raheem Sterling ជាដើម​៕

​អត្ថបទ​៖​នាង សុភា​វុ​ធ