សកម្មជនផ្នែកឧបករណ៍ លោក Lee Min-bok បានប្រើប្រាស់ការបញ្ជូនបាឡុងផ្ទុកខិត្តប័ណ្ណប្រឆាំងលោក គីម ជុងអ៊ុន ប្រធានាធិបតីកូរ៉េខាងជើង ឆ្លងព្រំដែនពីកូរ៉េខាងត្បូងចូលទៅប្រទេសកូរ៉េខាងជើង ដែលលោកបានប្រមូលកម្ទេចកម្ទី និងសំរាមជាច្រើនខែមកហើយ។

នៅពេលដែលដឹងច្បាស់ថាអ្នកនយោបាយឆ្វេងនិយមកណ្តាល លោកLee Jae Myung បានទទួលជ័យជម្នះក្នុងការបោះឆ្នោតប្រធានាធិបតីកាលពីខែមិថុនា លោក Lee Min-bok ស្ថិតក្នុងចំណោមសកម្មជនមួយចំនួនមានមូលដ្ឋាននៅកូរ៉េខាងត្បូង រំពឹងថានឹងមានការបង្រ្កាបដោយរដ្ឋបាលថ្មី។

លោក Lee Jae Myung អតីតមេធាវីសិទ្ធិមនុស្ស កំពុងជំរុញឱ្យបន្ធូរបន្ថយភាពតានតឹងជាមួយទីក្រុងព្យុងយ៉ាង ហើយកាលពីខែមុនបាននិយាយថា សកម្មជនគួរតែត្រូវបាន«ដាក់ទណ្ឌកម្មធ្ងន់ធ្ងរ» ប្រសិនបើពួកគេបន្តប្រតិបត្តិការបង្ហោះបាឡុងដែលធ្វើឱ្យកូរ៉េខាងជើងខឹងសម្បារ។ លោក Lee Min-bok អាយុ៦៧ ឆ្នាំ បាននិយាយថា «ខ្ញុំបានធ្វើវាដោយស្ងប់ស្ងាត់ ហើយតើមានអ្វីខុសទៅ? បង្ករឿងដល់កូរ៉េខាងជើងឬ? គ្មានទេ»។

លោក Lee ដែលលំនៅឋានរបស់លោកពេញទៅដោយខិត្តប័ណ្ណរញ៉េរញ៉ៃ បាននិយាយថា «មើលទៅតើស្ថានភាពពេលនេះធ្ងន់ធ្ងរប៉ុណ្ណា។ ជាច្រើនឆ្នាំមកនេះ នគរបាលបានឃ្លាំមើលលោក Lee ពីលំនៅឋានដែលនៅក្បែរលោក។ ជំនួសឱ្យការពិនិត្យមើលរបាយការណ៍សម្រាប់លក្ខខណ្ឌបង្ហោះបាឡុង ពេលនេះលោក Lee បានចំណាយពេលជាច្រើនថ្ងៃដើម្បីសរសេរការបង្ហោះតាមអ៊ីនធឺណិត រិះគន់រដ្ឋាភិបាលកូរ៉េខាងត្បូង។

ប៉ុន្តែចំណាត់ការរបស់រដ្ឋបាលលោកប្រធានាធិបតី Lee Jae Myung ត្រូវបានស្វាគមន៍ដោយអ្នកស្រុកមួយចំនួននៅជិតព្រំដែន ដែលបាននិយាយថា ការបង្ហោះនេះធ្វើឱ្យពួកគេប្រឈមនឹងហានិភ័យ។