រដ្ឋបាលឧតុនិយមជាតិរបស់ប្រទេសរូម៉ានី កាលពីថ្ងៃអាទិត្យ បានចេញការព្រមានអំពីកូដពណ៌ក្រហម ខណៈរលកកម្តៅធ្ងន់ធ្ងរ បានគ្របដណ្តប់តំបន់ភាគច្រើននៅក្នុងប្រទេសនេះ។

សីតុណ្ហភាពអតិបរមា ត្រូវបានគេរំពឹងថានឹងកើនឡើងដល់៣៨ទៅ៤១អង្សាសេនៅក្នុងតំបន់ចំនួន១៦ ព្រមទាំងនៅទីក្រុង Bucharest ដោយកម្រិតទាបនៅពេលយប់នៅលើសពីកម្រិត២១អង្សាសេ។ 

ការព្រមានពណ៌លឿង និងកូដពណ៌លឿងទុំ បានចូលជាធរមាននៅទូទាំងតំបន់ជាច្រើន ដែលមានសីតុណ្ហភាពខ្ពស់ចន្លោះពី ៣៣ ដល់៣៩ អង្សាសេ។ ការព្រមានអំពីផ្គររន្ទះកម្រិតកូដពណ៌លឿង ក៏ត្រូវបានចេញ ដោយព្យាករណ៍ថានឹងមានភ្លៀងធ្លាក់ខ្លាំង ផ្លេកបន្ទោរ និងខ្យល់បក់ក្នុងល្បឿនរហូតដល់៧០គីឡូម៉ែត្រក្នុងមួយម៉ោង។

ក្នុងការឆ្លើយតប ក្រសួងសុខាភិបាល បានដំណើរការពិធីសារសង្គ្រោះបន្ទាន់ ដោយជំរុញឱ្យអង្គភាពសេវាសុខាភិបាលបង្កើនបុគ្គលិក ធានាឱ្យមានឱសថ និងរៀបចំចំណុចផ្តល់ប្រភពទឹកនៅតាមទីសាធារណៈ។ ជាមួយគ្នានេះ ការត្រួតពិនិត្យសុវត្ថិភាពចំណីអាហារនឹងកាន់តែបង្កើនឡើង ជាពិសេសនៅក្នុងជំរំសាលារៀន និងទីតាំងលក់អាហារ។