ប្រទេសហ្គាណា បានចាប់ផ្តើមគំនិតផ្តួចផ្តើមប្រយុទ្ធប្រឆាំងការរត់ពន្ធមាសថ្នាក់ជាតិជាលើកដំបូងរបស់ខ្លួន ដោយ «វាត្រូវបានគេប៉ាន់ប្រមាណថាមាសប្រហែល៦០០តោនត្រូវបានរត់ពន្ធចេញពីប្រទេសហ្កាណា ក្នុងរយៈពេល១០ឆ្នាំចុងក្រោយនេះ»។

ប្រធានាធិបតី លោក John Dramani Mahama កាលពីថ្ងៃអង្គារ បានប្រកាសពីក្រុមការងារដែលគាំទ្រដោយសន្តិសុខផ្តោតលើការរត់ពន្ធមាសខុសច្បាប់នៅទូទាំងប្រទេស ដោយលោកបាននិយាយថា «ក្រុមការងារនេះ មិនមែនគ្រាន់តែជាគំនិតផ្តួចផ្តើមសន្តិសុខប៉ុណ្ណោះទេ វាគឺជាផ្នែកយុទ្ធសាស្រ្តនៃការផ្លាស់ប្តូរសេដ្ឋកិច្ចជាតិ»ផងដែរ។

ប្រទេសអាហ្រ្វិកខាងលិចមួយនេះ ជាប្រទេសផលិតមាសកំពូលមួយរបស់ទ្វីបអាហ្រ្វិក កំពុងស្វែងរកការស្តារមកវិញនូវទឹកប្រាក់រាប់ពាន់លានដុល្លារដែលបាត់បង់ពីការរត់ពន្ធ។ កាលពីដើមឆ្នាំ ប្រទេសនេះបានបង្កើតស្ថាប័នរដ្ឋាភិបាលថ្មីមួយហៅថា GoldBod ដើម្បីគ្រប់គ្រងការធ្វើពាណិជ្ជកម្មមាស។

លោក Mahama និយាយថា នេះបាននាំឱ្យមានការកត់ត្រាការនាំចេញជាផ្លូវការក្នុងរយៈពេល៥ខែដំបូងនៃឆ្នាំ២០២៥ ដែលមានតម្លៃ៥ពាន់លានដុល្លារ។ ប្រទេសហ្គាណា ក៏មានផែនការដាក់ឱ្យដំណើរការប្រព័ន្ធតាមដានមាសនៅទូទាំងប្រទេស និងការធ្វើប្រតិបត្តិការនាំចេញមាសដែលចម្រាញ់រួចនៅឆ្នាំ២០២៦។