រដ្ឋមន្ត្រីការបរទេសគុយបាលោក Bruno Rodriguez Parrilla បាននិយាយថា ការវាយប្រហាររបស់អ៊ីស្រាអែលលើប្រទេសលីបង់ និងហេដ្ឋារចនាសម្ព័ន្ធសំខាន់ៗ ក្នុងប្រទេសយេម៉ែន គឺដើម្បីរៀបចំហេដ្ឋារចនា  សម្ព័ន្ធមជ្ឈិមបូព៌ាឡើងវិញ និងធ្វើឲ្យប៉ះពាល់ដល់កិច្ចខិតខំប្រឹងប្រែងដោះស្រាយ នៅក្នុងតំបន់។

លោកបានសរសេរនៅលើបណ្តាញ Telegram របស់ខ្លួនថា៖«យើងថ្កោលទោសចំពោះការទម្លាក់គ្រាប់បែករបស់អ៊ីស្រាអែលលើប្រទេសលីបង់ ដែលបំពានបទឈប់បាញ់នៅក្នុងប្រទេសអារ៉ាប់នេះ ក៏ដូចជាកំពង់ផែជាច្រើន និងហេដ្ឋារចនាសម្ព័ន្ធសំខាន់ៗ នៅក្នុងប្រទេសយេម៉ែន»។



យោងតាមប្រមុខការទូតគុយបារូបនេះ បានឲ្យដឹងថា ការវាយប្រហារទាំងនេះ «គឺជាផ្នែកនៃគោលនយោបាយឈ្លានពានរបស់អ៊ីស្រាអែល ក្នុងគោលបំណងកែប្រែមជ្ឈិមបូព៌ា» និង «បំផ្លាញដល់កិច្ចខិតខំប្រឹងប្រែងសន្តិភាព នៅក្នុងតំបន់»។

កងកម្លាំងការពារអ៊ីស្រាអែល (IDF) បាននិយាយកាលពីព្រឹកថ្ងៃអង្គារថា អ៊ីស្រាអែលបានធ្វើការវាយប្រហារមួយ នៅតំបន់ជុំវិញទីក្រុងទ្រីប៉ូលី ភាគខាងជើងប្រទេសលីបង់ ដោយបានកំណត់គោលដៅទៅលើ «ភេរវករហាម៉ាសដ៏សំខាន់»។

កាលពីយប់ថ្ងៃទី ០៧ ខែកក្កដា អ៊ីស្រាអែលបានវាយប្រហារលើគោលដៅរបស់ក្រុមហ៊ួទី នៅក្នុងប្រទេសយេម៉ែន។ យោងតាមកងកម្លាំងការពារអ៊ីស្រាអែល (IDF) ប្រតិបត្តិការនេះ គឺពាក់ព័ន្ធនឹងយន្តហោះចម្បាំងប្រហែល ២០គ្រឿង ដែលបានធ្វើការវាយប្រហារលើកំពង់ផែ Hodeida, Ras Isa និង Al-Salif ក៏ដូចជារោងចក្រថាមពល Ras Khatib ក្នុងខេត្ត Hodeida ។