រដ្ឋធានី Buenos Aires របស់ប្រទេសអាហ្សង់ទីន មើលឃើញអ័ព្ទចុះយ៉ាងក្រាស់ បណ្តាលឲ្យអាក់ខានដល់ការហោះហើរ ។

យោងតាមសេចក្តីរាយការណ៍របស់ទីភ្នាក់ងារព័ត៌មានអាហ្សង់ទីន បានឲ្យដឹងថា ជើងហោះហើរជាង ៣០វ៉ុល ត្រូវបានលុបចោល និងជើងហោះហើរជាង ៤៥វ៉ុល ត្រូវបានពន្យាពេលនៅអាកាសយានដ្ឋានអន្តរជាតិ Ezeiza និងអាកាសយានដ្ឋាន Jorge Newbery ដោយសារអ័ព្ទយ៉ាងក្រាស់ ។

អ្នកស្រី Laura Syezpinski ដែលជាអ្នកដំណើររងផលប៉ះពាល់នៅអាកាសយានដ្ឋាន Jorge Newberry និយាយថា ស្ទើតែជើងហោះហើរទាំងអស់ ត្រូវបានលុបចោល ដោយសារអាកាសធាតុពុំអំណោយផល ពីព្រោះថា មានអ័ព្ទចុះយ៉ាងក្រាស់ ហើយអ្នកមិនអាចមើលឃើញអ្វីនោះទេ និងធ្វើឲ្យអ្នកក្តៅក្រហាយផងដែរ ។

នៅតាមដងផ្លូវ អ្នកបើកបររថយន្តពិបាកមើលផ្លូវ ដោយសាររយៈចម្ងាយមើលឃើញមិនសូវឆ្ងាយ ហើយសេវាកម្មឧតុនិយម បានណែនាំឲ្យប្រជាពលរដ្ឋចៀសវាងធ្វើដំណើរតាមផ្លូវ បើសិនជាពុំចាំបាច់ទេនោះ ៕