ក្រសួងការបរទេសរុស្ស៊ី និយាយនៅថ្ងៃពុធនេះថា ខ្លួនមានភ័ស្តុតាងថា អ៊ុយក្រែន បានប្រើប្រាស់ចម្ការមីនប្រឆាំងបុគ្គលិករបស់ពួកគេ បណ្តាលឲ្យជនស៊ីវិលរងរបួស ។

អ្នកស្រី Maria Zakharova គឺជាអ្នកនាំពាក្យក្រសួងការបរទេសរុស្ស៊ី និយាយថា ទីក្រុងគីវ ពុំបានបំពេញតាមកាតព្វកិច្ចរបស់ខ្លួនក្រោមសន្និបាតទីក្រុង Ottawa ហាមប្រាមចម្ការមីនប្រឆាំងបុគ្គលិក សូម្បីតែនៅមុនពេលការសម្រេចចិត្តចាកចេញពីសន្និបាតមួយនេះ ។

អ្នកស្រីបន្តថា យោងតាមតម្រូវការរបស់សន្និបាត អ៊ុយក្រែនគួរតែបំផ្លាញគ្រាប់មីនទាំងអស់ដែលប្រឆាំងបុគ្គលិកតាំងពីឆ្នាំ ២០១០មកម្ល៉េះ ។ ទោះបីជាយ៉ាងណាក៏ដោយ អ៊ុយក្រែនពុំធ្លាប់ដែលអនុវត្តតាមតម្រូវការមួយនេះឡើយ ។

អ្នកស្រីបញ្ជាក់ថា ការពិតដែលថារបបក្រុងគីវប្រើប្រាស់មីនប្រឆាំងបុគ្គលិកធ្វើឲ្យជនស៊ីវិលរបួស ត្រូវបានចងក្រងឯកសារជាប្រព័ន្ធដោយទីភ្នាក់ងារពង្រឹងច្បាស់រុស្ស៊ី ។

គួរឲ្យដឹងថា កាលពីខែមុន អ៊ុយក្រែនបានប្រកាសពីការដកខ្លួនរបស់ពួកគេចេញពីសន្និបាតក្រុង Ottawa គឺជាសន្ធិសញ្ញាមួយហាមឃាត់ការប្រើប្រាស់ចម្ការមីន ៕