ភ្ញៀវទេសចរទៅកាន់ប្រាសាទដ៏ល្បីល្បាញ Acropolis របស់ប្រទេសក្រិកនៅថ្ងៃពុធេះ បានធ្វើដំណើរវិលត្រឡប់មកវិញ ពេលដែលអាកាសធាតុក្តៅបង្ខំឲ្យបិទទ្វារគោលដៅកម្សាន្តដ៏ទាក់ទាញមួយនេះ ។

រលកកម្តៅកើនឡើងនៅរដ្ឋធានីអាតែន បានបង្ខំឲ្យក្រុមអាជ្ញាធរបិទទ្វារទីតាំងកម្សាន្តសប្បាយជាច្រើនកន្លែង អំឡុងពេលក្តៅខ្លាំង ពេលដែលសីតុណ្ហភាពកើនឡើងដល់ ៤០អង្សាសេ ។ 

ភ្ញៀវទេសចរនឹងត្រូវអនុញ្ញាតឲ្យវិលត្រឡប់ទៅកាន់ប្រាសាទ Acropolis វិញ នៅក្រោយម៉ោង ៥ល្ងាច ពេលដែលសីតុណ្ហភាពចុះទាប ។

ក្រុមស្ម័គ្រចិត្តមកពីកាកបាទក្រហម Hellenic បានផ្តល់ដបទឹក និងខិត្តប័ណ្ណចែកចាយព័ត៌មានដល់ភ្ញៀវទេសចរនៅក្រៅប្រាសាទបុរាណ ។

ប្រាសាទដែលបានកសាងឡើងនៅសតវត្សរ៍ទី ៥ មុនគ.សនេះ គឹជាសម្បត្តិបេតិកភណ្ឌពិភពលោករបស់អង្គការ UNESCO ដែលបានស្វាគមន៍ភ្ញៀវទេសចររាប់លាននាក់ជារៀងរាល់ឆ្នាំ ៕