ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធ បានស្វាគមន៍កិច្ចព្រមព្រៀងសន្តិភាពរវាងសាធារណរដ្ឋប្រជាធិបតេយ្យកុងហ្គោ(DRC) និងប្រទេសរ៉្វាន់ដា ដែលបានចុះហត្ថលេខាកាលពីថ្ងៃទី២៧ ខែមិថុនា នៅទីក្រុងវ៉ាស៊ីនតោន ឌី.ស៊ី។

នៅក្នុងសេចក្តីថ្លែងការណ៍ សមាជិកក្រុមប្រឹក្សាសន្តិសុខ បានស្វាគមន៍កិច្ចព្រមព្រៀងសន្តិភាព និងបានសម្តែងការកោតសរសើរយ៉ាងខ្លាំងចំពោះសហរដ្ឋអាមេរិក ប្រទេសកាតា និងសហភាពអាហ្រ្វិក ចំពោះកិច្ចខិតខំប្រឹងប្រែងសម្របសម្រួលរបស់ខ្លួនចំពោះកិច្ចព្រមព្រៀងនេះ។

សមាជិកក្រុមប្រឹក្សា បានជំរុញឱ្យសាធារណរដ្ឋប្រជាធិបតេយ្យកុងហ្គោ (DRC) និងប្រទេសរ៉្វាន់ដា គោរពទំនុកចិត្តចំពោះកាតព្វកិច្ច និងការប្តេជ្ញាចិត្តរបស់ពួកគេដោយស្មោះត្រង់ សម្រាប់សន្តិភាពយូរអង្វែងនៅភាគខាងកើតសាធារណរដ្ឋប្រជាធិបតេយ្យកុងហ្គោ។ 

ប្រទេសទាំងពីរបានសម្តែងការប្តេជ្ញាចិត្តគាំទ្រយ៉ាងសកម្មក្នុងការអនុវត្តនិងធ្វើតាមកិច្ចព្រមព្រៀង។