ប្រទេសអ៊ីតាលី កំពុងធ្វើជាម្ចាស់ផ្ទះនៃសន្និសីទប្រចាំឆ្នាំលើកទី៤ ស្តីពីការកសាងអ៊ុយក្រែនឡើងវិញ បើទោះបីជារុស្ស៊ីបង្កើនសង្រ្គាមរបស់ខ្លួន ដោយបានអញ្ជើញមេដឹកនាំនយោបាយ និងធុរកិច្ច ទៅកាន់ទីក្រុង   រ៉ូម ដើម្បីលើកកម្ពស់ភាពជាដៃគូសាធារណៈ និងឯកជនលើវិស័យការពារជាតិ ការជីកយករ៉ែ ថាមពល និងគម្រោងផ្សេងៗទៀត ខណៈដែលភាពមិនច្បាស់លាស់ កើនឡើងអំពីការប្តេជ្ញាចិត្តរបស់សហរដ្ឋអាមេរិកចំពោះវិស័យការពារជាតិរបស់ទីក្រុងគីវ។

នាយករដ្ឋមន្ត្រីលោក ស្រី Giorgia Meloni និងប្រធានាធិបតីអ៊ុយក្រែនលោក វ្ល៉ូឌីមី ហ្សេឡិនស្គី (Volodymyr Zelensky) បានបើកកិច្ចប្រជុំ នៅថ្ងៃព្រហស្បតិ៍នេះ ដែលកំពុងតែដំណើរការ ស្របពេល  រុស្ស៊ី បានពន្លឿនការវាយប្រហារតាមផ្លូវអាកាស និងដោយថ្មើរជើងប្រឆាំងនឹងអ៊ុយក្រែន ដោយបានបាញ់ទម្លាក់យានដ្រូនដែលឆ្លងកាត់តំបន់ចំនួន ១០ នៅសប្តាហ៍នេះ។

អ្នករៀបចំអ៊ីតាលី បាននិយាយថា គណៈប្រតិភូផ្លូវការចំនួន ១០០កំពុងចូលរួម ហើយអង្គការអន្តរជាតិ និងធនាគារអភិវឌ្ឍន៍ចំនួន ៤០ ។ ប៉ុន្តែក៏មានអាជីវកម្មចំនួន ២.000 ផងដែរ សង្គមស៊ីវិល និងរដ្ឋាភិបាលក្នុងតំបន់របស់អ៊ុយក្រែន បានបញ្ជូនអ្នកតំណាងឲ្យចូលរួម ក្នុងពិព័រណ៍ពាណិជ្ជកម្មមួយ ដែលពេញទៅដោយស្តង់ នៅបរិវេណនៃកិច្ចប្រជុំថ្នាក់រដ្ឋមន្ត្រី នៅឯមជ្ឈមណ្ឌលសន្និសីទ « Cloud » ថ្មីដ៏ទំនើបរបស់ទីក្រុងរ៉ូម នៅក្នុងសង្កាត់នៃសម័យហ្វាស៊ីសនិយម។

សន្និសីទនេះ នឹងចាប់ដៃគូវិនិយោគ ជាមួយសមភាគីអ៊ុយក្រែន។