ទីភ្នាក់ងារសារព័ត៌មាន TASR បានរាយការណ៍ថា ប្រទេសស្លូវ៉ាគី បានរារាំងកញ្ចប់ទណ្ឌកម្មទី ១៨ ប្រឆាំងនឹងរុស្ស៊ីម្តងទៀត ក្នុងកម្រិតឯកអគ្គរដ្ឋទូតសហភាពអឺរ៉ុប។

យោងតាមអ្នកការទូតសហភាពអឺរ៉ុប ការសម្របសម្រួលលើការដាក់ទណ្ឌកម្ម អាចឈានដល់ ក្នុងរយៈពេលប៉ុន្មានថ្ងៃខាងមុខ។ ទីភ្នាក់ងារព័ត៌មានមុននេះ បានរាយការណ៍ថា ស្លូវ៉ាគីពីមុន ក៏បានបិទទណ្ឌកម្មផងដែរ នៅក្នុងកិច្ចប្រជុំរបស់ឯកអគ្គរដ្ឋទូត នៅទីក្រុងប្រ៊ុចសែល កាលពីថ្ងៃទី ០៤ ខែកក្កដា។

យោងតាមប្រព័ន្ធផ្សព្វផ្សាយក្នុងស្រុក រដ្ឋាភិបាលស្លូវ៉ាគី មានបំណងវេតូកញ្ចប់ រហូតដល់ការដោះស្រាយបញ្ហាសំណងសម្រាប់ប្រទេសនេះ និងកាត់បន្ថយផលវិបាកអវិជ្ជមានពីការហាមឃាត់ ដែលបានស្នើឡើងលើការនាំចូលឧស្ម័នពីរុស្ស៊ី ចាប់ពីថ្ងៃទី ០១ ខែមករា ឆ្នាំ ២០២៨។

ប្រទេសស្លូវ៉ា គីនឹងបន្តការពិគ្រោះយោបល់ជាមួយគណៈកម្មការអឺរ៉ុបអំពីការផ្គត់ផ្គង់ថាមពល ក្នុងករណី ដែលការទិញពីរុស្ស៊ី មិនអាចធ្វើទៅបាន។ រហូតមកដល់ពេលនេះ ការចរចាដែលកំពុងបន្ត មិនបានបំបាត់ការព្រួយបារម្ភរបស់ទីក្រុង Bratislava អំពីសុវត្ថិភាពថាមពលរបស់ខ្លួនឡើយ។