តំណាងអចិន្ត្រៃយ៍របស់អ៊ីស្រាអែលប្រចាំអង្គការសហប្រជាជាតិ នៅទីក្រុងហ្សឺណែវ លោក Daniel Meron បានថ្លែងប្រាប់អ្នកយកព័ត៌មានថា ការស្លាប់របស់ជនស៊ីវិលនៅតំបន់ហ្កាហ្សាស្ទ្រីប គឺជាផលវិបាកដ៏សោកនាដកម្មនៃសកម្មភាពរបស់ក្រុមហាម៉ាស។

លោក Meron បានសង្កត់ធ្ងន់ថា៖«យើងមិនចង់ឃើញជនស៊ីវិលរងការឈឺចាប់ និងត្រូវគេសម្លាប់ទេ។ ក្រុមហាម៉ាស បានបង្កផលវិបាកដល់ប្រជាជនរបស់ពួកគេ។ លោក Meron បានសង្កត់ធ្ងន់ថា៖«នេះគឺជាសោកនាដកម្មដ៏គួរឲ្យភ័យខ្លាច» ដោយបញ្ជាក់ពីជំហររបស់អ៊ីស្រាអែលដែលថា ក្រុមសកម្មប្រយុទ្ធប៉ាឡេស្ទីន ទទួលខុសត្រូវចំពោះការបង្ហូរឈាមដែលកំពុងបន្តនេះ។

លោក Meron ក៏បានគូសបញ្ជាក់ពីកិច្ចខិតខំប្រឹងប្រែងការទូតនាពេលបច្ចុប្បន្នរបស់អ៊ីស្រាអែល ដោយកត់សម្គាល់ឃើញថា លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ( Benjamin Netanyahu) កំពុងនៅក្នុងទីក្រុងវ៉ាស៊ីនតោន ដើម្បីស្វែងរកផ្លូវឆ្ពោះទៅរកការបន្ថយការកើនឡើងភាពតានតឹង។ លោកបានបន្ថែមថា៖ «ដូច្នេះសូមសង្ឃឹមនិងអធិស្ឋានថា នឹងមានបទឈប់បាញ់មួយ ក្នុងពេលឆាប់ៗ ហើយយើងអាចធ្វើការឆ្ពោះទៅរកស្ថានការណ៍កាន់តែប្រសើរ ក្នុងពេលឆាប់ៗនេះ»។

ទន្ទឹមនឹងនោះ ការចរចាដែលមានគោលបំណងបញ្ឈប់ការប្រយុទ្ធគ្នា បានចាប់ផ្តើមឡើងវិញ នៅទីក្រុងដូហានៃប្រទេសកាតា។ ដោយត្រូវសម្រុះសម្រួលដោយអេហ្ស៊ីប កាតា និងសហរដ្ឋអាមេរិក កិច្ចចរចាជាថ្មីរវាងក្រុមហាម៉ាស និងអ៊ីស្រាអែល បានចាប់ផ្តើម នៅថ្ងៃទី ០៦ ខែកក្កដា ក្នុងគោលបំណង ដើម្បីសម្រេចបាននូវកិច្ចព្រមព្រៀងឈប់បាញ់ និងធានាការដោះលែងចំណាប់ថ្នូរអ៊ីស្រាអែល ដែលត្រូវគេឃុំខ្លួន នៅក្នុងតំបន់ហ្កាហ្សា។