ទូកមួយគ្រឿងដែលផ្ទុកពេញដោយជនអន្តោប្រវេសន៍បានចាកចេញពីឆ្នេរសមុទ្របារាំងនៅព្រឹកថ្ងៃព្រហស្បតិ៍នេះ ពេលដែលលោក Emmanuel Macron និងលោក Keir Starmer ជួបគ្នានៅថ្ងៃចុងក្រោយនៃដំណើរទស្សនកិច្ចផ្លូវរដ្ឋរបស់ប្រធានាធិបតីបារាំង ក្នុងនោះអង់គ្លេសសង្ឃឹមថានឹងអាចគ្រប់គ្រងរឹងមាំជាងមុនលើការធ្វើអន្តោប្រវេសន៍ ។

មេដឹកនាំទាំង ២ ជជែកពិភាក្សាគ្នានៅវិមាន 10 Downing Street នាពេលព្រឹក ហើយបន្ទាប់មកនឹងធ្វើសន្និសីទសារព័ត៌មានរួមគ្នានៅពេលរសៀលថ្ងៃព្រហស្បតិ៍នេះ ។

លោក Starmer ដែលប្រជាប្រិយភាពរបស់លោកធ្លាក់ចុះ ចាប់តាំងពីលោកឈ្នះឆ្នោតភ្លូកទឹកភ្លូកដីកាលពីឆ្នាំមុន ត្រូវការឈ្នះលើការកាត់បន្ថយកម្រិតការមកដល់របស់អន្តោប្រវេសន៍ ជាពិសេសគឺចំនួនអ្នកក្រុមអ្នកស្វែងរកសិទ្ធិជ្រកកោនមកដល់តាមទូកតូចៗ ដើម្បីព្យាយាមកាត់បន្ថយការកើនឡើងប្រជាប្រិយភាពរបស់គណបក្សកំណែទម្រង់ចក្រភពអង់គ្លេស ដឹកនាំដោយអ្នកនយោបាយជើងចាស់ Nigel Farage ។

មេដឹកនាំអង់គ្លេសរូបនេះ សង្ឃឹមថានឹងសម្រេចបានកិច្ចព្រមព្រៀងមួយដែលនឹងមើលឃើញអង់គ្លេសនិរទេសជនអន្តោប្រវេសន៍មកដល់ទៅកាន់ប្រទេសបារាំង ជាការដោះដូរនឹងការទទួលយកចំនួនតែមួយនៃក្រុមអ្នកស្វែងរកសិទ្ធិជ្រកកោនស្របច្បាប់ ៕