​IMF៖ អ្នកនាំពាក្យ​របស់​ស្ថាប័ន​ផ្ដល់​ប្រាក់កម្ចី​ពិភពលោក​បាន​និយាយ​កាលពី​ថ្ងៃ​អង្គារ​ថា មូលនិធិ​រូបិយវត្ថុ​អន្តរជាតិ​ហៅ​កាត់​ថា IMF នឹង​ផ្សព្វផ្សាយ​ទស្សនវិស័យ​សេដ្ឋកិច្ច​ពិភពលោក​របស់​ខ្លួន​នៅ​ថ្ងៃទី២៥ ខែ​មករា យឺត​ជាង​មួយ​សប្ដាហ៍​នៃ​ការ​គ្រោង​ទុកដើម្បី​កំណត់​កត្តា​នៃ​ការវិវឌ្ឍន៍​ចុងក្រោយ​បំផុត​នៃ​វីរុស COVID-19 ស្រប​ពេល​មាន​សញ្ញា​នៃ​ការ​បន្ទាប​ចំណាត់ថ្នាក់​មួយ​ផ្សេងទៀត​នឹង​មកដល់​។​

​អ្នកនាំពាក្យ​រូប​នេះ​បាន​និយាយ​ថា ការ​ធ្វើ​បច្ចុប្បន្នភាព​ទស្សនវិស័យ​សេដ្ឋកិច្ច​ពិភពលោក នឹង​ត្រូវ​បាន​ដាក់​ឱ្យ​ដំណើរការ​នៅ​ថ្ងៃទី២៥ ខែ​មករា ដើម្បី​អនុញ្ញាត​ឱ្យ​ក្រុម​របស់​យើង​បញ្ចូល​ការវិវឌ្ឍន៍​ចុងក្រោយបង្អស់ ទាក់ទង​នឹង​ជំងឺ​រាតត្បាត​សកល COVID-19 ទៅ​ក្នុង​ការ​ព្យាករណ៍​សេដ្ឋកិច្ច​។​ អ្នក​នាំ​ពាក្យ IMF លោក Gerry Rice កាលពី​ខែ​មុន​បាន​ប្រាប់​អ្នកសារព័ត៌មាន​ឱ្យ​រំពឹង​ថា​ នឹង​មានបច្ចុប្បន្ន​ភាព​នៅ​ថ្ងៃ​ទី១៩ ខែ​មករា​។​ នាយក​គ្រប់គ្រង Kristalina Georgieva កាលពី​ខែ​មុន​បាន​ប្រាប់​សន្និសីទ Reuters Next ថា IMF ទំនងជា​នឹង​បន្ទាប​ការ​ព្យាករណ៍​កំណើន​សេដ្ឋកិច្ច​ពិភពលោក​បន្ថែម​ទៀត​នៅ​ក្នុង​ខែ​មករា ​ដើម្បី​ឆ្លុះបញ្ចាំង​ពី​ការ​ផ្ទុះឡើង​នៃ​វីរុស​ប​ម្លែ​ង​ខ្លួន​ថ្មី Omicron។​ កាល​ពី​ខែ​តុលា IMF បាន​ព្យាករណ៍​ពី​កំណើន​សេដ្ឋកិច្ច​ពិភពលោក​ចំនួន ៥.៩% ក្នុង​ឆ្នាំ២០២១ និង ៤.៩% នៅ​ឆ្នាំនេះ។ ខណៈ​ដែល​គូស​បញ្ជាក់​អំពី​ភាព​មិន​ច្បាស់​លាស់​ដែល​បង្កឡើង​ដោយ​សារ​វីរុស​កូ​រ៉ូ​ណាប​ម្លែ​ង​ខ្លួន​ថ្មី​នានា​។​ វីរុស​នេះ​បាន​សម្លាប់​មនុស្ស​ជិត ៥​លាន​ ៨​សែន​នាក់នៅ​ទូទាំង​ពិភពលោក​ក្នុង​រយៈពេល ២​ឆ្នាំ​ចុង​ក្រោយនេះ​៕

អត្ថបទ៖ សុខមាន