ក្រសួងសុខាភិបាលប៉ាឡេស្ទីន និយាយនៅក្នុងសេចក្តីថ្លែងការណ៍ថា បុរសកូនកាត់ប៉ាឡេស្ទីន-អាមេរិក ត្រូវបានគេវាយរហូតដល់ស្លាប់ ដោយក្រុមអ្នកតាំងលំនៅនិគមន៍ ក្នុងតំបន់កាន់កាប់វ៉េសប៊ែង ហើយបុរសទី ២ ត្រូវបានគេបាញ់សម្លាប់ អំឡុងការប្រឈមដាក់គ្នាកាលពីយប់កន្លងទៅ ។

គ្រួសារបានជួបជុំគ្នាកាន់ទុក្ខបុរសប៉ាឡេស្ទីនទាំង ២នាក់នោះ កាលពីថ្ងៃសៅរ៍ នៅទីក្រុង Al-Mazra'a ash-Sharqiya របស់ពួគេ ។

ក្រសួងនិយាយថា លោក Sayafollah Musallet ដែលជាបុរសកាត់សាសន៍ប៉ាឡេស្ទីន-អាមេរិក ត្រូវបានគេវាយដុំយ៉ាងធ្ងន់ធ្ងរ នៅក្នុងឧបទ្ទេវហេតុមួយកាលពីយប់ថ្ងៃសុក្រ នៅសង្កាត់ Sinjil ស្ថិតនៅភាគខាងជើងទីក្រុង Ramallah ហើយលោក Hussein Al-Shalabi ត្រូវបានគេបាញ់ត្រូវចំដើមទ្រូង ។

វីដេអូដែលទទួលបានដោយទីភ្នាក់ងារព័ត៌មានរ៉យទ័រ ឃើញជនប៉ាឡេស្ទីនសែងសាកសពលោក Al-Shalabi ក្រោយរកឃើញសាកសពនៅក្រោមដើមឈើ ។

គ្រួសាររបស់លោក Musallet មកពីទីក្រុង Tampa រដ្ឋ Florida និយាយនៅក្នុងសេចក្តីថ្លែងការណ៍ថា គ្រូពេទ្យបឋម បានព្យាយាមទៅដល់គាត់ អស់រយៈពេល ៣ម៉ោង មុនពេលបងប្រុសរបស់គាត់ បាននាំគាត់មកកាន់រថយន្តគិលានសង្រ្គោះ ប៉ុន្តែគាត់បានស្លាប់ មុនពេលដល់មន្ទីរពេទ្យ ៕