បន្ទាប់ពីការអូសបន្លាយនៃអតិផរណាធ្លាក់ចុះដែលរំពឹងទុក ពេលនេះតម្លៃទំនិញប្រើប្រាស់របស់សហរដ្ឋអាមេរិក ឬអតិផរណា បានឡើងដល់កម្រិតកំពូលក្នុងខែមិថុនា ខណៈអាជីវកម្មបានចាប់ផ្តើមឆ្លងកាត់ដំណាក់កាលកើនឡើងនៃតម្លៃទំនិញនាំចូល ដែលរងផលប៉ះពាល់ដោយការដំឡើងពន្ធ។

យោងតាមការស្ទង់មតិរបស់សារព័ត៌មាន Bloomberg របស់សេដ្ឋវិទូ សន្ទស្សន៍តម្លៃអ្នកប្រើប្រាស់ស្នូល (CPI) - ដែលមិនរាប់បញ្ចូលអាហារ និងថាមពល - បានកើនឡើង ០,៣% កាលពីខែមុន ដែលជាកំណើនប្រចាំខែដ៏ធំបំផុតចាប់តាំងពីខែមករាមក ហើយជាការកើនឡើងតិចតួចពីតួលេខ ០,១% នៅក្នុងខែឧសភា។

អត្រាអតិផរណាស្នូលប្រចាំឆ្នាំត្រូវរំពឹងថានឹងកើនឡើងដល់ ២,៩% ជាលើកដំបូងរបស់ខ្លួនចាប់តាំងពីដើមឆ្នាំ២០២៥នេះ។ ខណៈដែលកំណើននេះបង្ហាញពីផលប៉ះពាល់នៃការដំឡើងពន្ធនាំចូល សេដ្ឋវិទូភាគច្រើនរំពឹងថាអតិផរណានឹងប្រមូលផ្តុំកម្លាំងកាន់តែខ្លាំងក្នុងប៉ុន្មានខែខាងមុខ ដោយមានការស្ទាក់ស្ទើររបស់អ្នកលក់រាយចំពោះបន្ទុកអ្នកប្រើប្រាស់ ដែលកំពុងរឹតបន្តឹងការចំណាយរបស់ពួកគេរួចហើយ ស្របពេលទីផ្សារការងារដ៏ត្រជាក់។

ទីផ្សារពិភពលោកក៏កំពុងរង្គោះរង្គោះចំពោះការផ្លាស់ប្តូរនិន្នាការអតិផរណាផងដែរ។ នៅកាណាដា តួលេខអតិផរណាខែមិថុនា នឹងក្លាយជាគន្លឹះមុនពេលការសម្រេចចិត្តលើអត្រាការប្រាក់របស់ធនាគារកាណាដា នៅថ្ងៃទី៣០ ខែកក្កដា ខាងមុខ។ នៅប្រទេសចិន ទិន្នន័យផលិតផលក្នុងស្រុកសរុប GDP ក៏ដូចជាការលក់រាយ និងពាណិជ្ជកម្មត្រៀមបើកបង្ហាញឥទ្ធិពលនៃពន្ធអាមេរិក លើសេដ្ឋកិសកល៕