កំពង់ធំ៖ ក្រុមកីឡាករ និងកីឡាការនីប៉េតង់ចំនួន៤២ក្រុម មកពី៣៨ក្លឹប ស្មើរ១៧២នាក់ ចូលរួមប្រកួតដំណ្តើមពានរង្វាន់ថ្នាក់ខេត្ត អបអរសាទរខួបលើកទី៤៣ ថ្ងៃជ័យជំនះ ៧មករា ឆ្នាំ២០២២។

នៅថ្ងៃទី៦ ខែមករា ឆ្នាំ២០២២ឯ កឧត្តម ងួន រតនៈ អភិបាលខេត្តកំពង់ធំ អញ្ជើញក្នុងពិធីបើក​ឲ្យ​ដំណើរការ ការប្រកួតកីឡាប៉េតង់ដណ្តើមពានរង្វាន់ថ្នាក់ខេត្ត អបអរសាទរថ្ងៃ៧មករា។ ជាមួយគ្នានេះ ឯកឧត្តម លើកឡើងថា ការរៀបចំឲ្យកម្មវិធីប្រកួតប្រជែង​ដំណ្តើម​ពានរង្វាន់​កីឡា​ប៉េតង់​ថ្នាក់ខេត្ត ​គឺធ្វើក្នុងគោលបំណងអបអរសាទរថ្ងៃ៧មករា ដែលជាថ្ងៃវត្តិសាស្រ្ត នៃការ​ទទួល​បានការរួបរួមគ្នាបើកទំព័រនៃសន្តិភាព ក្រោមការដឹកនាំដ៏ឈ្លាសវៃពីសំណាក់ប្រមុខ​រាជ​រដ្ឋាភិបាល​បច្ចុប្បន្ន។

ការរក្សាបានសុខសន្តិភាព បែបនេះនាំមកនូវការអភិវឌ្ឍប្រទេសជាតិឲ្យមានការរីកចម្រើនជាលំដាប់ និងផ្តល់ឱកាសឲ្យប្រជាពលរដ្ឋគ្រប់រូប មានសិទ្ធិសេរីភាព ពេញលេញស្មើរមុខស្មើរមាត់ ដូច​ប្រជាពលរដ្ឋ​នៅ​លើសកលលើកផងដែរ។

ឯកឧត្តមបន្តថា កីឡាប៉េតុង គឺជាកីឡាមួយប្រភេទដែលប្រជាពលរដ្ឋកម្ពុជា បានទៅប្រកួតលើ​ឆាក​អន្តរជាតិ នៅទីក្រុង សាន់តាស៊ូសាណា ប្រទេសអេស្ប៉ាញ កាលពីខែវិច្ឆកា ឆ្នាំ២០២១ !ទទួល​បាន​មេដាយ​មាសពិភពលោក សម្រាប់ប្រទេសកម្ពុជា! មេដាយមាសនេះ មិនមែនសម្រាប់​តែកិត្តិយស​បុគ្គល កីឡាការនី អ៊ុក ស្រីមុំ ប៉ុណ្ណោះនោះទេ, ប៉ុន្តែគឺជាកិត្តិយសសម្រាប់ប្រពលរដ្ឋកម្ពុជា​ទូទាំង​ប្រទេស។

ទន្ទឹមនោះ រាជរដ្ឋភិបាលកម្ពុជា ​ដែលមានសម្តេចតេជោជាប្រមុខដឹកនាំ កាលពីថ្ងៃទី៥ ខែមករា ឆ្នាំ២០២២ កន្លងទៅនេះ ​សម្តេចបានអញ្ជើញដ៏ខ្ពង់ខ្ពស់ប្រគល់ប្រាក់រង្វាន់លើកទឹកចិត្ត និង​អបអរសាទរ​ផងដែរ។

ឯកឧត្តមបញ្ជាក់ថា ការប្រកួតករប៉េតង់ពានរង្វាន់ខេត្តកំពង់ធំ មានរយៈពេលពីរថ្ងៃ ចាប់ពីថ្ងៃទី៦-៧ ខែមករា ឆ្នាំ២០២២​ ដែលមានក្រុមកីឡាករ កីឡាការិនី មកពីខេត្តបាត់ដំបង ស្វាយរៀង ព្រៃវែង ព្រះវិហារ សៀមរាប កំពង់ធំ និងមានការអញ្ជើញចូលរួមពីក្រុមកីឡាករក្រសួងមហាផ្ទៃ សរុបចំនួន ៤២ក្រុម មកពី៣៨ក្លឹប ស្មើរ១៧២នាក់ ដែលក្នុងនោះកីឡាករ និងកីឡាការិនី ក្នុងខេត្តកំពង់ធំ ចំនួន១៣ កីឡា ​និង​មក​ពីខេត្តនានា ​ចំនួន១៥ ក្លឹមកីឡា៕