ប្រទេសចិន នៅថ្ងៃអង្គារ (ទី១៥ ខែកក្កដា) នេះ បានប្រកាសពីការបាញ់បង្ហោះដោយជោគជ័យនូវយានដឹកទំនិញ Tianzhou-9 ដែលកំពុងផ្តល់ការផ្គត់ផ្គង់ដល់ស្ថានីយ៍អវកាសធ្វើដំណើរជុំវិញគន្លងតារាវិថី គឺ Tiangong។

បើយោងតាមទីភ្នាក់ងារអវកាសចិន Manned Space Agency (MSA) បានឲ្យដឹងថា រ៉ូកែត ឬយានចម្លង Long March-7 Y10 ដឹកយានដឹកទំនិញនោះ បានហោះឡើងនៅវេលាម៉ោង ៥:៣៤នាទី (ម៉ោងក្នុងស្រុក) ពីកន្លែងបាញ់បង្ហោះយានអវកាស Wenchang ក្នុងខេត្ត Hainan ដែលជាកោះនៅភាគខាងត្បូងប្រទេសចិន។

ប្រហែល ១០នាទីក្រោយការបាញ់បង្ហោះ យាន Tianzhou-9 បានផ្ដាច់ចេញពីរ៉ូកែត ហើយបានចូលទៅក្នុងគន្លងតារាវិថីដែលបានកំណត់។ បន្ទះស្រូបពន្លឺព្រះអាទិត្យរបស់វាបានលាចេញ។

ក្រោយមក យានដឹកទំនិញនឹងមានការជួប និងចតជាមួយនឹងការរួមបញ្ចូលគ្នា រវាងស្ថានីយអវកាស។ បន្ទាប់មកអវកាសយានិក Shenzhou-20 ដែលបាននៅលើស្ថានីយ៍អវកាស កាលពីថ្ងៃទី២៤ ខែមេសា នឹងចូលទៅក្នុងយានដឹកទំនិញ ហើយផ្ទេរគ្រឿងផ្គត់ផ្គង់តាមកាលវិភាគ៕