នៅតាមភូមិតំបន់ភ្នំជុំវិញទីក្រុង Sanaa ប្រជាកសិករ និងអ្នកគង្វាលសត្វចិញ្ចឹម និយាយថា កង្វះខាតភ្លៀងធ្លាក់ក្នុងឆ្នាំនេះ នាំឲ្យដីស្រែចម្ការ និងវាលស្មៅស្ងួតហួតហែង បង្ខំឲ្យមនុស្សជាច្រើនបោះបង់ចោលដំណាំ និងហ្វូងសត្វចិញ្ចឹមរបស់ពួកគេ ។

ឈរនៅជិតវាលស្រែកបែកក្រហែងរបស់លោក និងវាលស្មៅត្រូវបានគេបោះបង់ចោល កសិករ Muhammad al-Wazir និយាយថា កាលពីឆ្នាំមុន មានភ្លៀងធ្លាក់ច្រើនណាស់ ប៉ុន្តែឆ្នាំនេះ ភ្លៀងធ្លាក់តិច ហើយរដូវក្តៅទាំងមូល កន្លងផុតទៅដោយគ្មានភ្លៀងអ្វីមួយមេ ធ្វើឲ្យប៉ះពាល់ដល់ពួកយើង នៅក្នុងវិស័យកសិកម្ម និងបសុសត្វ ។

ចំណែកឯអ្នកគង្វាល Shamsuddine al-Waqishi ដែលចំនួនហ្វូងសត្វចិញ្ចឹមរបស់លោកធ្លាក់ចុះ ដោយសារគ្មានចំណី និងគ្រោះរាំងស្ងួតនោះ បានបន្ទរការលំបាកនេះដូចគ្នា ។

លោកនិយាយថា ពួកយើងបានផ្លាស់ទីកន្លែងពីភ្នំមួយទៅភ្នំមួយ ។ គ្មានវាលស្មៅដូចធ្លាប់មានទៀតទេ ។

លោកវេជ្ជបណ្ឌិត Ismael Muharram ដែលជាអ្នកជំនាញកសិកម្ម និងជាអតីតប្រធានមន្ទីរស្រាវជ្រាវ បានកត់សំគាល់ឃើញថា ស្របពេលដែលគ្រោះរាំងស្ងួតគ្មានអ្វីថ្មីចំពោះប្រទេសយេម៉ែន ស្ថានភាពកាន់តែអាក្រក់ខ្លាំង ក្នុងរយៈពេលប៉ុន្មានទសវត្សរ៍កន្លមកនេះ ដោយសារកត្តារួមផ្សំជាច្រើន រួមទាំងបញ្ហាបម្រែបម្រួលអាកាសធាតុផងដែរ ។

លោក Muharram កត់សំគាល់ឃើញថា យេម៉ែនបានអភិវឌ្ឍបច្ចេកទេសជាច្រើន ដើម្បីទប់ទល់នឹងគ្រោះរាំងស្ងួត ហើយនិងអាចគ្រប់គ្រងប្រភពទឹកមានដែនកំណត់របស់ពួកគេ ។ យុទ្ធសាស្រ្តទាំងអស់នេះ រួមទាំងការសាងសង់ដំបូលភ្នំ(អភិរក្សព្រៃឈើ) កសាងទំនប់ទឹក និងប្រឡាយស្រោចស្រព ។

លោកនិយាយទៀតថា ទោះបីជាយ៉ាងណាក៏ដោយ គ្រោះរាំងស្ងួតកាន់តែធ្ងន់ធ្ងរទៅក្នុងរយៈពេល ៦ទសវត្សរ៍កន្លងមកនេះ បានធ្វើស្ថានភាពកាន់តែអាក្រក់ខ្លាំង ។ ផ្អែកលើអ្វីទាំងអស់ដែលពួកយើងបានអង្កេត និងឆ្លងកាត់ក្រោមលក្ខខណ្ឌបច្ចុប្បន្នក្នុងឆ្នាំ ២០២៥ លោកមើលឃើញតំបន់ជាច្រើនដែលស្ទើតែស្មើនឹង ៨៥ភាគរយនៃដីកសិកម្ម ពុំបានដាំដុះនោះទេនៅក្នុងឆ្នាំនេះ អំឡុងរដូវវស្សាដំបូង ៕