អ្នកនាំពាក្យការិយាល័យកិច្ចការតៃវ៉ាន់របស់ក្រុមប្រឹក្សារដ្ឋចិន នៅថ្ងៃពុធ (១៦ កក្កដា) នេះ បានថ្កោលទោសយ៉ាងខ្លាំងចំពោះ "ការបង្រៀន ១០ចំណុចស្តីពីការរួបរួម" របស់មេដឹកនាំតំបន់តៃវ៉ាន់ លោក Lai Ching-te ដោយហៅរឿងនេះថាជាការប៉ុនប៉ងបំផ្លើសនូវមនោគមវិជ្ជាផ្ដាច់ខ្លួន និងបង្កហេតុញុះញ៉ង់ឱ្យមានការប្រឈមមុខដាក់គ្នានៅទូទាំងច្រកសមុទ្រតៃវ៉ាន់។

ជាការឆ្លើយតបនឹងសំណួរថាតើការលើកឡើងរបស់លោក Lai បានឆ្លងកាត់បន្ទាត់ក្រហមឬទេ ហើយចិនដីគោកមានបំណងឆ្លើយតបបែបណា លោក Chen Binhua អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋ បានរិះគន់ខ្លាំងៗថានោះថាជា ”ការកុហកបោកបញ្ឆោតអរិភាព និងបំណងញុះញង់”។

លោកបន្តថា ការថ្លែងសុន្ទរកថានោះគឺជា “ការរៀបរាប់ដែលបំភ្លៃ និងបែកខ្ញែក” ក្នុងគោលបំណងបំភ័ន្តប្រវត្តិសាស្ត្រ និងមតិសាធារណៈនៅលើកោះ។ លោក Chen បន្ថែមថា អ្វីដែលហៅថាការបង្រៀនចំនួន ១០ចំណុចស្តីពីការរួបរួមនោះ គឺគ្មានអ្វីក្រៅតែពីការបោកប្រាស់នៃការមិនគាំទ្រឯករាជ្យនោះទេ ដោយបានចោទលោក Lai ថាប្រើសុន្ទរកថានេះដើម្បីញុះញង់ឱ្យមានការបែកបាក់ និងប្រមូលភាពផ្ដាច់ខ្លួននិយមក្នុងសង្គមតៃវ៉ាន់។

អ្នកនាំពាក្យចិនរូបនេះក៏ចង្អុលបង្ហាញថា ដើមចមនៃភាពតានតឹងក្នុងច្រកសមុទ្រតៃវ៉ាន់ គឺដោយសារតែការបន្តជំរុញរបស់គណបក្សប្រជាធិបតេយ្យជឿនលឿន (DPP) សម្រាប់ "ឯករាជ្យភាពតៃវ៉ាន់" និងការបង្កហេតុដដែលៗឥតឈប់ឈរ ដោយព្រមានថា រាល់ការប៉ុនប៉ងបំបែកប្រទេសចិន នឹងប្រឈមមុខនឹងការតស៊ូយ៉ាងរឹងមាំពីប្រជាជនចិនទាំងអស់៕