ក្រុមហ៊ុនអ៊ុយក្រែន បាននិយាយនៅក្នុងសេចក្តីថ្លែងការណ៍មួយនៅលើបណ្តាញ Telegram របស់ខ្លួនថា ក្រុមហ៊ុនអ៊ុយក្រែន Ukroboronprom និងក្រុមហ៊ុន American D&M Holding Company បានចុះហត្ថលេខាលើកិច្ចព្រមព្រៀងមួយស្តីពីការបង្កើតក្រុមហ៊ុនបណ្តាក់ទុនរួមគ្នា នៅសហរដ្ឋអាមេរិកសម្រាប់ការផលិតសារធាតុគីមីពិសេសសម្រាប់តម្រូវការនៃវិស័យការពារជាតិ។ 

សេចក្តីថ្លែងការណ៍ បានឲ្យដឹងថា៖«ក្រុមហ៊ុនភាគហ៊ុនរួមគ្នានៃឧស្សាហកម្មការពារជាតិអ៊ុយក្រែន (Ukroboronprom) និងក្រុមហ៊ុនអាមេរិក D&M Holding Company បានចុះហត្ថលេខាលើឯកសារដែលផ្តល់សម្រាប់ការបង្កើតក្រុមហ៊ុនបណ្តាក់ទុនរួមគ្នា សម្រាប់ការផលិតសារធាតុគីមីពិសេសសម្រាប់តម្រូវការនៃវិស័យការពារជាតិ»។

យោងតាមសេចក្តីថ្លែងការណ៍នោះ ឯកសារពាក់ព័ន្ធ ត្រូវបានចុះហត្ថលេខា កាលពីថ្ងៃទី ១១ ខែកក្កដា នៅទីក្រុងរ៉ូម នៅខាងក្រៅសន្និសីទការស្តារអ៊ុយក្រែនឡើងវិញ (URC ២០២៥) ។

ការបង្កើតសហគ្រាសនេះ «គឺជាជំហានដ៏សំខាន់ជាមូលដ្ឋាន ឆ្ពោះទៅរកការជម្នះកង្វះខាតសារធាតុគីមីពិសេស ដែលឧស្សាហកម្មគ្រាប់រំសេវ កំពុងជួបប្រទះ នាពេលបច្ចុប្បន្ននេះ។

នៅថ្ងៃទី ១១ ខែកក្កដា ជំនួយការរបស់លោក វ៉្លូឌីមី ហ្សេឡិនស្គី គឺលោក Alexander Kamyshin បាននិយាយថា នៅសន្និសីទការស្តារអ៊ុយក្រែនឡើងវិញ (URC ២០២៥) ក្រុមហ៊ុនទាំងពីរ បានចុះហត្ថលេខាលើកិច្ចព្រមព្រៀងស្តីពីការផលិតរំសេវរួមគ្នា នៅសហរដ្ឋអាមេរិក។

ដូចដែលបានរាយការណ៍ពីមុនមក អ៊ុយក្រែនក៏បានបង្កើតការបណ្តាក់ទុនរួមគ្នា ជាមួយក្រុមហ៊ុនលោកខាងលិចផ្សេងទៀត រួមទាំងក្រុមហ៊ុន Rheinmetall AG របស់អាល្លឺម៉ង់ និងក្រុមហ៊ុន BAE Systems របស់ចក្រភពអង់គ្លេស ដើម្បីផលិតអាវុធ។