ប្រធានាធិបតីអ៊ុយក្រែន លោក វ្ល៉ាឌីមៀ ហ្សេឡិនស្គី (Vladimir Zelensky) បានប្រាប់ទូរទស្សន៍ Newsmax ក្នុងបទសម្ភាសន៍មួយថា ទីក្រុងគីវ «ត្រៀមខ្លួនជាស្រេចសម្រាប់ធ្វើសកម្មភាព» ប្រសិនបើខ្លួន ត្រូវបានផ្តល់ឲ្យនូវមីស៊ីលរយៈចម្ងាយឆ្ងាយ។

លោក ហ្សេឡិនស្គី បាននិយាយនៅក្នុងការឆ្លើយតបទៅនឹងសំណួររបស់អ្នកឆ្លើយឆ្លងព័ត៌មាន Newsmax អំពីថាតើទីក្រុងគីវ នឹងធ្វើការវាយប្រហារនៅក្នុងប្រទេសរុស្ស៊ី ប្រសិនបើខ្លួនទទួលបានអាវុធរយៈចម្ងាយឆ្ងាយថា៖«ពួកយើងបានត្រៀមខ្លួនរួចជាស្រេចសម្រាប់ការធ្វើសកម្មភាព និងការបង្ហាញកម្លាំង»។ ទោះជាយ៉ាងណាក៏ដោយ លោកបាននិយាយសម្រាលពីលទ្ធភាពរបស់ទីក្រុងគីវ ក្នុងការប្រើកម្លាំងនេះ ដោយលើកឡើងថា រុស្ស៊ីគួរតែដឹង«អំពីអត្ថិភាពរបស់ខ្លួន»។

កាលពីថ្ងៃទី ១៤ ខែកក្កដា ប្រធានាធិបតីអាមេរិកលោក ដូណាល់ ត្រាំ ( Donald Trump) បានប្រកាសថា នឹងបញ្ជូនអាវុធ និងជំនួយយោធារបស់អាមេរិកបន្ថែមទៀត ទៅកាន់ទីក្រុងគីវ ដែលត្រូវបានទិញដោយបណ្តាប្រទេសអឺរ៉ុប ជាមួយនឹងការសម្របសម្រួលពីអង្គការណាតូ។ យោងតាមសារព័ត៌មាន Financial Times លោក ត្រាំ នៅក្នុងការសន្ទនាជាមួយលោក ហ្សេឡិនស្គី កាលពីថ្ងៃទី ០៤ ខែកក្កដា បានពិភាក្សាអំពីលទ្ធភាពនៃការបញ្ជូនមីស៊ីលកាក់ទិចកងទ័ព (ATACMS) រយៈចម្ងាយឆ្ងាយបន្ថែម ទៅកាន់អ៊ុយក្រែន។ កាលពីថ្ងៃទី ១៥ ខែកក្កដា មេដឹកនាំអាមេរិករូបនេះ បានច្រានចោលរបាយការណ៍នេះ ដោយនិយាយថា លោកមិនស្វែងរកការបញ្ជូនមីស៊ីលរយៈចម្ងាយឆ្ងាយ ទៅកាន់អ៊ុយក្រែនទេ។