កងកម្លាំងប្រដាប់អាវុធហ្ស៊កដានី កាលពីថ្ងៃពុធ បានជម្លៀសកុមារឈឺក្រុមទី៧ ចេញពីតំបន់ហ្កាហ្សាស្ទ្រីបក្រោមគំនិតផ្តួចផ្តើមច្រករបៀងវេជ្ជសាស្ត្រហ្សកដានី។ នេះបើយោងតាមសេចក្តីថ្លែងការណ៍របស់យោធា។

ក្រុមនេះ មានកុមារចំនួន ៣៥នាក់ អមដោយសមាជិកគ្រួសារចំនួន ៧២នាក់។ ពួកគេត្រូវបានគេដឹកទៅប្រទេសហ្សកដានី ដើម្បីព្យាបាល នៅមន្ទីរពេទ្យ ក្នុងតំបន់ តាមរយៈស្ពាន King Hussein។

ការជម្លៀសនេះ ត្រូវបានធ្វើឡើង ដោយមានការសម្របសម្រួលជាមួយក្រសួងសុខាភិបាលហ្ស៊កដានី និងអង្គការសុខភាពពិភពលោក ហើយបានធ្វើឡើង ក្រោមនីតិវិធីវេជ្ជសាស្ត្រ និងសន្តិសុខយ៉ាងតឹងរ៉ឹង។

យោងតាមសេចក្តីថ្លែងការណ៍ នេះគឺជាក្រុមដ៏ធំបំផុតដែលត្រូវបានជម្លៀស ចាប់តាំងពីការផ្តួចផ្តើមគំនិតនេះ ត្រូវបានចាប់ផ្តើម នៅក្នុងខែមីនា។

រហូតមកដល់ពេលនេះ កុមារសរុបចំនួន ១១២នាក់ និងសមាជិកគ្រួសារ ២៤១នាក់ ត្រូវបាននាំយកទៅកាន់ប្រទេសហ្ស៊កដានី ដើម្បីទទួលការថែទាំសុខភាព។

ព្រះមហាក្សត្រ Abdullah II នៃប្រទេសហ្ស៊កដានី បានប្រកាសកាលពីខែកុម្ភៈអំពីការត្រៀមខ្លួនរបស់ប្រទេសនេះ ក្នុងការទទួលកុមារប៉ាឡេស្ទីនរហូតដល់ ២.000នាក់ ពីតំបន់ហ្កាហ្សាសម្រាប់ការព្យាបាល។