ក្រសួងការពារជាតិរុស្ស៊ី បាននិយាយនៅថ្ងៃសុក្រនេះថា កងការពារដែនអាកាសរុស្ស៊ី បានបំផ្លាញយានដ្រូនអ៊ុយក្រែនចំនួន ៧៣គ្រឿង ពេញមួយយប់ ដោយក្នុងនោះ ៣គ្រឿង ហោះសំដៅទៅទីក្រុងមូស្គូ។

ក្រសួងបាននិយាយនៅលើកម្មវិធីផ្ញើសារ Telegram ថា ភាគច្រើននៃយានដ្រូនទាំងនោះ ត្រូវបានបាញ់ទម្លាក់ នៅពីខាងលើតំបន់ភាគនិរតីរបស់រុស្ស៊ី ក្នុងនោះ ៣១គ្រឿង នៅពីខាងលើតំបន់ Bryansk ដែលជាប់ព្រំដែនអ៊ុយក្រែន។

ដោយសរសេរនៅលើបណ្តាញសង្គម Telegram អភិបាលក្រុងមូស្គូ លោក Sergei Sobyanin មិនបាននិយាយអំពីការស្លាប់ និងការខូចខាតនោះទេ ប៉ុន្តែបានបញ្ជាក់ថា សេវាសង្គ្រោះបន្ទាន់ កំពុងពិនិត្យតំបន់ដែលបំណែកយានដ្រូនបានធ្លាក់ដល់ដី។ ទីភ្នាក់ងារអាកាសចរណ៍សហព័ន្ធ Rosaviatsia បានបញ្ជាឲ្យ ផ្អាកប្រតិបត្តិការនៅអាកាសយានដ្ឋានចំនួនពីរ នៅជិតរដ្ឋធានី Domodedovo និង Zhukovsky ប៉ុន្តែ ក្រោយមក សេវាកម្ម ត្រូវបានបន្តឡើងវិញ។

ប្រតិបត្តិការ ត្រូវបញ្ឈប់បានយ៉ាងល្អ បន្ទាប់ពីពាក់កណ្តាលអធ្រាត្រ នៅអាកាសយានដ្ឋានទីក្រុងមូស្គូទី៣ គឺអាកាសយានដ្ឋាន Vnukovo មុនពេលត្រូវបានដំណើរការវិញ នៅពេលព្រឹក។ ពុំមានការអត្ថាធិប្បាយ   ភ្លាមៗពីអ៊ុយក្រែនអំពីការវាយប្រហារនេះទេ។ ទីក្រុងគីវ និយាយថា ការវាយប្រហាររបស់ខ្លួននៅក្នុងប្រទេសរុស្ស៊ី គឺចាំបាច់ដើម្បីបំផ្លាញហេដ្ឋារចនាសម្ព័ន្ធសំខាន់នៃកិច្ចខិតខំប្រឹងប្រែងរបស់ទីក្រុងមូស្គូ ក្នុងសង្គ្រាមរបស់ខ្លួន ប្រឆាំងនឹងអ៊ុយក្រែនដែលឥឡូវនេះ នៅក្នុងឆ្នាំទី៤ របស់ខ្លួនហើយនោះ។