មន្ត្រីបាននិយាយនៅថ្ងៃសុក្រនេះថា រន្ទះបាញ់កំឡុងពេលព្យុះមូសុង នៅភាគខាងកើតប្រទេសឥណ្ឌា ក្នុងសប្តាហ៍នេះ បានបណ្តាលឲ្យមនុស្សយ៉ាងហោចណាស់ ៣៣នាក់ ស្លាប់ និងរាប់សិបនាក់ រងរបួស។

សេចក្តីថ្លែងការណ៍របស់នាយកដ្ឋានគ្រប់គ្រងគ្រោះមហន្តរាយរដ្ឋ បានឲ្យដឹងថា មនុស្សស្លាប់នៅក្នុងរដ្ឋ Bihar បានកើតឡើង ក្នុងអំឡុងពេលព្យុះដ៏ខ្លាំង នៅចន្លោះថ្ងៃពុធ និងថ្ងៃព្រហស្បតិ៍ ដោយជនរងគ្រោះភាគច្រើន ជាកសិករនិងកម្មករ ធ្វើការ នៅកណ្តាលវាល។

ភ្លៀងធ្លាក់ខ្លាំងបន្ថែមទៀត ត្រូវបានគេព្យាករសម្រាប់ផ្នែកខ្លះនៃរដ្ឋនេះ។

រដ្ឋមន្ត្រីគ្រប់គ្រងគ្រោះមហន្តរាយរបស់រដ្ឋ Bihar លោក Vijay Kumar Mandal បាននិយាយថា មន្ត្រីនៅក្នុងស្រុក ដែលងាយរងគ្រោះ ត្រូវបានណែនាំឲ្យ«យល់ ដើម្បីចាត់វិធានការបង្ការទុកជាមុន បន្ទាប់ពីមានការជូនដំណឹងអំពីរន្ទះ»។

រដ្ឋាភិបាលរដ្ឋនេះ បានប្រកាសផ្តល់សំណងចំនួន ៤លានរូពី (៤.៦០០ដុល្លារ) ដល់គ្រួសារនៃអ្នកស្លាប់ដោយសាររន្ទះបាញ់នេះ។

យោងតាមរដ្ឋាភិបាលរដ្ឋបានឲ្យដឹងថា យ៉ាងហោចណាស់មនុស្ស ២៤៣នាក់ បានស្លាប់ ដោយសាររន្ទះបាញ់ នៅឆ្នាំ ២០២៤ និង ២៧៥នាក់ កាលពីឆ្នាំ ២០២៣។