​​ឥណ្ឌា៖ យោងតាម​អាជ្ញាធរ​ក្នុង​តំបន់​បានឱ្យដឹងថា អ្នកដំណើរ​ជាច្រើន​នាក់​នៅលើ​ជើងហោះហើរពិសេស​ពី​ប្រទេស​អ៊ីតាលី​ទៅកាន់​ទីក្រុង Amritsar ភាគ​ខាងជើងប្រទេស​ឥណ្ឌាបានធ្វើតេស្ត​វិជ្ជមាន​វីរុស​ COVID-19 នៅពេល​ចុះចត​។ ​ភាព​អ៊ូអរ​នៃ​ភាពវឹកវរបានកើត​ឡើងនៅ​ខាងក្រៅ​អាកាសយានដ្ឋាន​អន្តរជាតិ Guru Ram Das Ji នៅពេលដែល​អ្នកដំណើរ ១២៥នាក់​ក្នុងចំណោម ១៧៩នាក់​នៅលើ​ជើងហោះហើរពី​ទីក្រុង Milan មិនត្រូវ​បានអនុញ្ញាត​ឱ្យ​ចេញមក​ខាងក្រៅ​ភ្លាមៗ​នោះទេ បន្ទាប់ពី​មន្ត្រីបាន​ប្រាប់​ពួកគេ​ថា​ ពួកគេ​បានធ្វើ​តេស្ត​វិជ្ជមាន​វីរុស COVID-19។

​យោងតាម​មន្ត្រីរដ្ឋបាល​ម្នាក់​បាន​ឲ្យ​ដឹងថា អ្នកដំណើរ​ដែល​ឆ្លង​វីរុសត្រូវ​បានដាក់​ចូលទៅក្នុង​រថយន្ត​សង្គ្រោះបន្ទាន់ ហើយ​ត្រូវបានបញ្ជូនទៅធ្វើ​ច​ត្តា​ឡី​ស័ក​នៅ​មណ្ឌល ឬ​មន្ទីរពេទ្យ​នៅក្នុង​តំបន់​គោលដៅ​របស់​ពួកគេ​។​ ​អ្នកដំណើរ​ជាច្រើន​បាន​ខឹងសម្បារ​ចំពោះ​ការឃុំខ្លួន​ពួកគេ​នៅ​អាកាសយានដ្ឋាន​មួយរយៈ​ពេល​ខ្លី ដោយ​ទទូចថា​ពួកគេ​បានធ្វើ​តេស្ត​អវិជ្ជមាន មុនពេល​ពួកគេ​ចាក​ចេញពី​ប្រទេសអ៊ីតាលី​។ ​ប្រព័ន្ធ​ផ្សព្វផ្សាយ​ក្នុងស្រុក​បាន​រាយការណ៍​ថា ក្នុងពេល​មាន​ភាព​ច្របូកច្របល់អ្នកដំណើរ ១៣នាក់​បាន​រត់គេចខ្លួន​ចេញពី​ព្រលានយន្តហោះ ឬ​មន្ទីរពេទ្យដែល​ពួកគេ​ត្រូវបានរៀបចំ​ដាក់​ធ្វើ​ច​ត្តា​ឡី​ស័ក៕

អត្ថបទ៖ ប៊ុនថន