លោក Barak Ravid អ្នកសារព័ត៌មាននៃគេហទំព័រ Axios បាននិយាយដោយដកស្រង់សម្តីមន្ត្រីអាមេ     រិកថា ប្រធានាធិបតីអាមេរិក លោក ដូណាល់ ត្រាំ ( Donald Trump) បានស្នើឲ្យនាយករដ្ឋមន្ត្រីអ៊ីស្រា   អែល លោក បេនចាមីន ណេតាន់យ៉ាហ៊ូ (Benjamin Netanyahu) ពន្យល់ពីឧប្បត្តិហេតុនៃការបាញ់ផ្លោងទៅលើព្រះវិហារ Holy Family Church នៅតំបន់ហ្កាហ្សាស្ទ្រីប។

អ្នកកាសែតរូបនេះ បានសរសេរនៅលើបណ្តាញសង្គម X ថា៖«មន្ត្រីអាមេរិកម្នាក់ បានប្រាប់ខ្ញុំថា លោក ត្រាំ មានការខកចិត្ត នៅពេលដែលលោកបានឮអំពីការវាយប្រហារលើព្រះវិហារ បានសួរក្រុមរបស់លោក ថាហេតុអ្វីបានជាអ៊ីស្រាអែល វាយប្រហារ ហើយចង់ឲ្យលោក ណេតាន់យ៉ាហ៊ូ ឆ្លើយតបតាមទូរស័ព្ទ     ភ្លាមៗ»។

មន្ត្រីនោះ បាននិយាយថា៖«នៅពេលនិយាយតាមទូរស័ព្ទនោះ លោក ត្រាំ បានស្នើឲ្យលោក ណេតាន់យ៉ាហ៊ូ បញ្ជាក់ឲ្យច្បាស់។ នៅពេលដែលលោក ណេតាន់យ៉ាហ៊ូ បាននិយាយថា វាគឺជាកំហុសមួយ លោក ត្រាំ បានទាមទារលោកចេញសេចក្តីថ្លែងការណ៍មួយអំពីការវាយប្រហារនោះ។ បន្តិចក្រោយមក លោក ណេតាន់យ៉ាហ៊ូ បានធ្វើសេចក្តីថ្លែងការណ៍»។

នាពេលមុននេះ កងកម្លាំងការពារអ៊ីស្រាអែល (IDF) បានរាយការណ៍ថា៖«បំណែកពីគ្រាប់ផ្លោងដែលបានបាញ់ក្នុងអំឡុងពេលសកម្មភាពប្រតិបត្តិការ នៅក្នុងតំបន់ បានត្រូវចំព្រះវិហារនោះ ដោយចៃដន្យ។ មូលហេតុនៃឧប្បត្តិហេតុនេះ កំពុងត្រូវបានត្រួតពិនិត្យ»។ លោក ណេតាន់យ៉ាហ៊ូ បានសម្តែងការសោក   ស្តាយចំពោះឧប្បត្តិហេតុនេះ។