​អឺរ៉ុប៖ ប្រធាន​អង្គការ​ NATO លោក Jens Stoltenberg កាលពី​ថ្ងៃ​សុក្រ​បាន​និយាយ​ថា សមាជិក​សម្ព័ន្ធភាព​នឹង​ធ្វើ​អ្វី​ដែល​ចាំបាច់​ដើម្បី​ការ​ពារ​សម្ព័ន្ធមិត្ត ខណៈ​ដែល​ការ​ព្រួយ​បារម្ភ​នៅតែ​បន្ត​កើតមាន​លើ​ការ​បង្កើន​យោធា​ របស់​ប្រទេស​រុស្ស៊ីនៅ​ជិត​ប្រទេស​អ៊ុយ​ក្រែ​ន​។ លោក Stoltenberg បាន​និយាយ​ទៅ​កាន់​អ្នកសារព័ត៌មាន ​បន្ទាប់​ពី​កិច្ចប្រជុំជាមួយ​រដ្ឋមន្ត្រីការបរទេស​របស់​អង្គការ ​NATO​ ដើម្បី​ពិភាក្សា​អំពី​ស្ថានភាព​នេះ​។

កិច្ចប្រជុំ​នេះ​បាន​ធ្វើឡើង​ក្នុងពេល​មានមន្ទិលសង្ស័យ អំពី​ភាព​ជឿជាក់​នៃ​ការ​ផ្តល់​ការបន្ធូរបន្ថយ​ភាព​តានតឹងរបស់​ប្រធានាធិបតី​រុស្ស៊ី លោក ​Vladimir Putin​។ លោក Stoltenberg បាន​និយាយថា យើង​នឹងធ្វើ​អ្វីៗ​តាម​ដែល​យើង​អាច​ធ្វើបាន ក្នុង​ខិតខំ​ប្រឹងប្រែង​ដើម្បី​ធានាបាន​នូវ​ផ្លូវ​នយោបាយ​ឆ្ពោះ​រក​ទប់ស្កាត់​ការប្រើប្រាស់​កម្លាំង​។ ប៉ុន្តែ​លោក​បាន​ព្រមាន​សមាជិក​សម្ព័ន្ធភាពចាំបាច់​ត្រូវ​ត្រៀមខ្លួន ​ក្នុងករណីដែល​ការចរចា​មិន​សម្រេចហើយ​ផ្នែក​ការទូត​នឹង​បរាជ័យ​។ លោក​បាន​និយាយថា នោះ​ហើយជា​មូល​ហេតុដែលយើង​កំពុង​ផ្ញើ​សារ​យ៉ាងច្បាស់​ទៅកាន់​ប្រទេស​រុស្ស៊ី​ថា​ ប្រសិនបើ​ពួកគេសម្រេចចិត្ត​ម្តងទៀត​ក្នុងការ​ប្រើប្រាស់​កម្លាំងយោធា​ លើ​ប្រទេសជិតខាង​នោះនឹងមាន​ផលវិបាក​ធ្ងន់ធ្ងរ​។ អង្គការ​ណា​តូ​នឹងត្រូវ​យល់ព្រម​បញ្ឈប់​ផែនការ​សមាជិកភាព​ទាំងអស់ មិន​ត្រឹមតែជាមួយ​ប្រទេស​អ៊ុយ​ក្រែ​ន​នោះទេ ហើយបញ្ចប់​សមយុទ្ធ​យោធា​នៅ​ជិត​ព្រំដែន​ប្រទេសរុស្ស៊ី​។

ជាការ​ដោះដូរ ប្រទេស​រុស្ស៊ី​នឹង​គោរព​តាម​ការប្តេជ្ញាចិត្ត​អន្តរជាតិ ដែល​ខ្លួន​បានចុះហត្ថលេខា​លើ​ការកំណត់​ហ្គេម​សង្គ្រាម​។ ប្រទេស​រុស្ស៊ីបាន​បញ្ចូល​ជា​ឧបសម្ព័ន្ធ​ឧបទ្វីបគ្រី​មៀរ​បស់​ប្រទេសអ៊ុយ​ក្រែ​ន​ក្នុង​ឆ្នាំ២០១៤ ហើយ​ក្រោយមក​បាន​គាំទ្រ​ការបះបោរ​បំបែកខ្លួននៅ​ភាគ​ខាងកើត​របស់​ប្រទេស​។ ក្នុង​រយៈពេល​ជាង​ ៧​ឆ្នាំការប្រយុទ្ធ​គ្នា​បានសម្លាប់​មនុស្ស​ជាង ១៤,០០០​នាក់ និង​បាន​បំផ្លាញ​តំបន់​ជា​បេះដូង​ឧស្សាហកម្ម​របស់ប្រទេស​អ៊ុយ​ក្រែ​នដែល​ត្រូវបាន​គេ​ស្គាល់​ថា​ជាតំបន់ ​Donbas៕

អត្ថបទ៖ ប៊ុនថន