ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃសុក្រថា កិច្ចព្រមព្រៀងពាណិជ្ជកម្មធំៗមួយចំនួននឹងត្រូវបានប្រកាសក្នុងពេលឆាប់ៗនេះ។

លោក Trump បាននិយាយនៅឯពិធីចុះហត្ថលេខាលើច្បាប់ Stablecoin នៅឯសេតវិមានថា «វាស្ទើរតែអាចធ្វើទៅបាននៅថ្ងៃនេះ តែប្រហែលជានៅពេលក្រោយនេះ។ យើងនឹងប្រកាសវា»។

លោក Trump បាននិយាយបន្ថែមថា «នៅពេលដែលខ្ញុំផ្ញើឯកសារដែលអ្នកនឹងបង់ពន្ធ៣៥% ឬ ៤០% នោះជាកិច្ចព្រមព្រៀង។ ក្រោយមក ពួកគេនឹងទូរស័ព្ទហើយពិនិត្យមើលថាតើពួកគេអាចបង្កើតកិច្ចព្រមព្រៀងខុសគ្នាបន្តិចបន្តួចឬយ៉ាងណា ដូចជាការបើកប្រទេសរបស់ពួកគេដើម្បីធ្វើពាណិជ្ជកម្ម។

កាលពីពេលថ្មីៗនេះ លោក Trump បានចុះហត្ថលេខាលើក្រឹដ្ឋមួយដើម្បីបន្ថែមពេលការផ្អាករយៈពេល ៩០ថ្ងៃនៃការដំឡើងពន្ធគយបដិការរបស់សហរដ្ឋអាមេរិកចាប់ពីថ្ងៃទី៩ ខែកក្កដា ដល់ថ្ងៃទី១ ខែសីហា ដោយការចរចាពាណិជ្ជកម្មកំពុងបន្តជាមួយដៃគូពាណិជ្ជកម្មសំខាន់ៗមួយចំនួន។

វានឹងពុំមានការផ្លាស់ប្តូរ ឬការបន្ថែមពេលដល់ថ្ងៃផុតកំណត់នៅថ្ងៃទី១ ខែសីហា នោះទេ នៅពេលនោះការដំឡើងពន្ធគយនឹងចាប់ផ្តើមត្រូវបានបង់ នេះបើយោងតាមការបង្ហោះរបស់លោក Trump នៅលើបណ្តាញផ្សព្វផ្សាយសង្គម ។