ប្រព័ន្ធផ្សព្វផ្សាយNHK របស់ប្រទេសជប៉ុន បានព្យាករនៅព្រឹកថ្ងៃចន្ទនេះថា ក្រុមចម្រុះរបស់នាយករដ្ឋមន្ត្រី លោក Shigeru Ishiba ប្រាកដណាស់ថានឹងបាត់បង់ការគ្រប់គ្រងនៅសភាជាន់ខ្ពស់។ ខណៈការបោះឆ្នោតកាលពីថ្ងៃអាទិត្យពុំបានកំណត់ដោយផ្ទាល់ថាតើរដ្ឋាភិបាលរបស់លោក Ishiba ធ្លាក់ចុះឬយ៉ាងណានោះ វាបានបង្កើនសម្ពាធលើមេដឹកនាំដែលជួបបញ្ហារួចមកហើយ ជាអ្នកដែលបានបាត់បង់ការគ្រប់គ្រងនៅសភាជាន់ទាបកាលពីក្នុងខែតុលា។

វាអាចបង្ហាញសញ្ញាពីភាពវឹកវរផ្នែកនយោបាយ ខណៈកាលបរិច្ឆេទកំណត់ដំឡើងពន្ធនៅថ្ងៃទី១ ខែសីហាជាមួយសហរដ្ឋអាមេរិកខិតជិតចូលមកដល់។ ប្រព័ន្ធផ្សព្វផ្សាយ NHK បាននិយាយថា គណបក្សប្រជាធិបតេយ្យសេរីនិយមរបស់ លោក Ishiba និងដៃគូចម្រុះ Komeito ប្រាកដណាស់ថានឹងខ្វះអាសនៈចំនួន៥០ដែលត្រូវការដើម្បីធានាបានសភាជាន់ខ្ពស់ដែលមាន២៤៨អាសនៈ។

អាសនៈពាក់កណ្តាលទាំងនោះត្រូវបានគេដណ្តើមយកក្នុងការបោះឆ្នោតកាលពីថ្ងៃអាទិត្យ។ លទ្ធផលនេះបានស្ថិតនៅលើចំណុចខ្ពស់នៃការបង្ហាញដ៏ខ្សោយបំផុតក្នុងរយៈពេល១៥ឆ្នាំមកនេះ នៅក្នុងការបោះឆ្នោតសភាជាន់ទាបកាលពីខែតុលា ជាការបោះឆ្នោតមួយដែលធ្វើឱ្យរដ្ឋបាលរបស់ លោកIshiba ងាយរងគ្រោះទៅនឹងញត្តិដកសេចក្តីទុកចិត្ត និងការអំពាវនាវពីក្នុងបក្សរបស់លោកសម្រាប់ការផ្លាស់ប្តូរមេដឹកនាំ។

ថ្លែងទៅកាន់ប្រព័ន្ធផ្សព្វផ្សាយ NHK រយៈពេលពីរម៉ោងបន្ទាប់ពីការបោះឆ្នោតបិទ លោក Ishiba បាននិយាយថាលោកទទួលយកនូវអ្វីដែលលោកហៅថា «លទ្ធផលដ៏អាក្រក់»។ នៅពេលត្រូវបានសួរថាតើលោកមានបំណងបន្តនៅនាយករដ្ឋមន្ត្រី និងជាប្រធានគណបក្សដែរឬទេ លោកបាននិយាយថា «ប្រាកដណាស់»។ ក្រោយមក លោក Ishiba បាននិយាយថា ការចរចារការដំឡើងពន្ធគយជាមួយសហរដ្ឋអាមេរិក គឺជាការរិះគន់យ៉ាងខ្លាំង ហើយ «យើងមិនត្រូវបំផ្លាញការចរចាទាំងនេះឡើយ»។