មន្ត្រីទីក្រុងបាននិយាយថា រុស្ស៊ីបានបើកការបាញ់ស្រោចថ្មីដោយមីស៊ីល និងយានដ្រូន ទៅលើអ៊ុយក្រែនក្នុងការវាយប្រហារមួយកាលពីពេលយប់ថ្ងៃទី២១ ខែកក្កដា ដោយបានសម្លាប់មនុស្សយ៉ាងហោចណាស់ម្នាក់ និងបណ្តាលឱ្យមានអគ្គិភ័យជាច្រើនកន្លែងនៅក្នុងរដ្ឋធានី Kyiv ។

ការវាយប្រហារបានបំផ្លាញច្រកចូលទៅកាន់ស្ថានីយ៍រថភ្លើងក្រោមដី ដោយស្ត្រីម្នាក់ស្នាក់នៅក្នុងស្ថានីយ៍នោះនិយាយថា មានការភ័យស្លន់ស្លោក្នុងចំណោមមនុស្សជាច្រើនដែលស្នាក់នៅក្នុងស្ថានីយ៍ក្រោមដី។

អភិបាលក្រុង Kyiv លោក Vitali Klitschko បាននិយាយថា ក្រុមអ្នកជួយសង្គ្រោះ និងក្រុមគ្រូពេទ្យសង្គ្រោះបឋមបានធ្វើការនៅលើទីតាំងនានានៅទូទាំងស្រុកចំនួនបួននៃរដ្ឋធានី។ មន្ត្រីទីក្រុង បាននិយាយថា ទ្រព្យសម្បត្តិពាណិជ្ជកម្ម ហាងទំនិញ លំនៅឋានជាច្រើន និងសាលាមត្តេយ្យមួយកន្លែង ត្រូវបានបំផ្លាញ។

នៅពេលយប់ដែលដេកមិនលក់សម្រាប់អ្នករស់នៅទីក្រុង Kyiv ពួកគេជាច្រើននាក់បានប្រញាប់ប្រញាល់ទៅជ្រកកោននៅក្នុងស្ថានីយ៍ក្រោមដី ដោយសារតែការផ្ទុះត្រូវបានឮនៅទូទាំងទីក្រុង ខណៈអង្គភាពការពារដែនអាកាស បានចូលរួមក្នុងការវាយរុញច្រានទៅនឹងការវាយប្រហារនេះ។