​បាល់ទាត់៖ ​បន្ទាប់ពី​បរាជ័យ​ផ្ទួនៗ​ក្នុង​ទឹកដី​ខ្លួនឯង ៦ប្រកួត​ជាប់​គ្នា​នៅ English Premier League ក្រុម​ជើងឯក​អង់គ្លេសហង្ស​ក្រហម Liverpool បាន​កក់​កៅអី​នៅ​វគ្គ ៨ក្រុម​ចុងក្រោយ UEFA Champions League ហើយ​ក្រោយ​ជ័យជំនះលើ​ក្រុម​អាល្លឺម៉ង់ RB Leipzig ២-០ និង​សរុប​ទាំងពីរ​ជើង ៤-០​។

​​Mohamed Salah និង Sadio Mane រកបាន​ម្នាក់​ ១គ្រាប់​ក្នុងការ​ប្រកួត​ជើង​ទី២ នេះ​គ្រប់គ្រាន់​ឲ្យក្រុម​លោក Jurgen Klopp ​ឡើង​វគ្គ​បន្ត​។ ការប្រកួត​នេះដែរ​ក៏​ស្វាគមន៍​ ការ​ត្រលប់​មកវិញ​វត្តមាន​របស់ Fabinho ​ក្រោយ​ជា​ពីរ​បួស និង​បាន​ដើរតួ​សំខាន់​ក្នុងតំណែង​ខ្សែការពារ​កណ្តាល ​ដែល​កំពុង​ខ្វះខាត​នៅ Liverpool បន្ទាប់ពី Virjil van Dijk​ និង Joe Gomez របួស​។​ ​ជ័យ​ជំនះ​នេះដែរ​ធ្វើឲ្យ Liverpool មិនទាន់​ចាញ់​ឡើយ​រាល់​ជំនួប​ជាមួយ​ក្រុម​អាល្លឺម៉ង់ ១២លើកចុងក្រោយ​។ ​​ងាក​មក​ការប្រកួត​មួយគូ​ទៀត Paris Saint Germain ​ស្វាគមន៍​ក្រុម​ភ្ញៀវ Barcelona បន្ទាប់ពី​ក្រុម​ជើងឯក​បារាំង​បាន​យកឈ្នះ​នៅ​ជើង​ទី១ លើទឹក​ដី​អេ​ស្ប៉ា​ញ ៤-១​។

​​Kylian Mbappe ​ស៊ុត​បាល់ ១១ម៉ែត្រ​នាំមុខ​នៅ​នាទី​ទី៣០ មុនពេល​ដែល Lionel Messi ស៊ុត​តាម​ស្មើ​វិញ​នៅ​នាទី​ទី៣៧​។ មុន​ចប់​វគ្គ​ទី១ Lionel Messi មានឱកាស​ស៊ុត​បាល់ ១១ម៉ែត្រ​មួយគ្រា​ប់​តែ​ធ្វើ​មិនបាន​សំរេច ដែលជា​ការ​ស៊ុត ១១ម៉ែត្រ​មិនបាន​សំរេច​លើកទី៤ សំរាប់ Lionel Messi នៅ UCL និង​ជា​លើកដំបូង​គិតពី​ឆ្នាំ២០១៥ ដែល​ចុងក្រោយ​ស៊ុត Manchester City មិនបាន​សំរេច​។ ​​មិនមាន​ប្រែប្រួល​គ្រាប់​បាល់​ទៀតឡើយ ចប់​ការប្រកួត​ទៅ Paris Saint Germain ​យកឈ្នះ Barcelona សរុប​ទាំងពីរ​ជើង ៥-១​។ ​បរាជ័យ​នេះ​ធ្វើឲ្យ Barcelona ធ្លាក់​ត្រឹម​វគ្គ ១៦ក្រុម​ចុងក្រោយ UEFA Champions League លើកដំបូង​រាប់​ពី​ឆ្នាំ២០០៧៕

​អត្ថបទ​៖​នាង សុភា​វុ​ធ