រលកកម្តៅឥតស្រាកស្រានបានហ៊ុមព័ទ្ធផ្នែកមួយចំនួននៅកោះ Sicily ប្រទេសអ៊ីតាលី កាលពីថ្ងៃចន្ទ ដោយសីតុណ្ហភាពបានកើនឡើងលើសពី៤០អង្សាសេ ធ្វើឱ្យអ្នកស្រុកនិងអ្នកទេសចរកំពុងស្វែងរកទីម្លប់ ប្រភពទឹក និងជំនួយសង្គ្រោះពីកម្តៅ។

នៅក្នុងទីក្រុង Catenanuova ដែលត្រូវបានគេចាត់ទុកថាជាទីក្រុងក្តៅបំផុតមួយនៅក្នុងប្រទេសអ៊ីតាលី ការធ្វើចរាចរណ៍បានផ្លាស់ទីយឺតៗនៅក្រោមកម្តៅថ្ងៃដ៏ក្ដៅគគុក។ អ្នកស្រុកបាននិយាយថា បើគ្មានម៉ាស៊ីនត្រជាក់ ឬកង្ហារនោះទេ សូម្បីតែនៅពេលយប់ ក៏មិនអាចទ្រាំបានដែរ។

នៅផ្នែកភាគខាងកើតនៃកោះ នៅតាមដងផ្លូវដ៏មមាញឹកនៃទីក្រុង Catania អ្នកទេសចរត្រូវបានគេមើលឃើញប្រមូលផ្តុំគ្នានៅជុំវិញប្រភពទឹកសាធារណៈ និងស្វែងរកម្លប់នៅក្រោមឆ័ត្រ។

អ្នកទេសចរអូស្ត្រាលីម្នាក់ដែលរងផលប៉ះពាល់ដោយកម្តៅខ្លាំងបាននិយាយថា «វាពិតជាក្តៅខ្លាំងនៅទីនេះ»។« អ្នកត្រូវផឹកទឹកឲ្យបានច្រើន រក្សាជាតិទឹក បើមិនដូច្នេះទេវាអាចជារឿងអាក្រក់មួយ»។

សីតុណ្ហភាពក្តៅខ្លាំង ជាផ្នែកនៃរលកកម្តៅដែលវាយបក់នៅទ្វីបអឺរ៉ុបភាគខាងត្បូង បានបង្កឱ្យមានការព្រមានអំពីអាកាសធាតុនៅទូទាំងតំបន់មួយចំនួនរបស់ប្រទេសអ៊ីតាលី។ អាជ្ញាធរបានជំរុញប្រជាជនឱ្យស្នាក់នៅក្នុងលំនៅឋានក្នុងអំឡុងពេលម៉ោងមានកម្តៅខ្លាំង និងពិនិត្យមើលមនុស្សចាស់និងអ្នកងាយរងគ្រោះ។