ប្រទេសឥណ្ឌូនេស៊ី បានព្រមព្រៀងលុបចោលការដំឡើងពន្ធលើទំនិញរបស់សហរដ្ឋអាមេរិកជាង៩៩ភាគរយ និងលុបចោលរបាំងមិនមែនពន្ធទាំងអស់ដែលប្រឈមមុខជាមួយក្រុមហ៊ុនអាមេរិក ខណៈសហរដ្ឋអាមេរិកនឹងទម្លាក់ចោលការដំឡើងពន្ធដែលបានគំរាមកំហែងលើផលិតផលរបស់ប្រទេសឥណ្ឌូនេស៊ីមកនៅត្រឹម ១៩ ភាគរយ ពី៣២ភាគរយ។

លោក Trump បានសាទរចំពោះកិច្ចព្រមព្រៀងនេះ ដែលលោកបានប្រកាសជាលើកដំបូងកាលពីថ្ងៃទី ១៥ ខែកក្កដា នៅក្នុងការបង្ហោះនៅលើវេទិកាបណ្តាញផ្សព្វផ្សាយសង្គម Truth របស់លោក ដោយចាត់ទុកថាជា «ជ័យជម្នះដ៏ធំសម្រាប់ក្រុមហ៊ុនផលិតរថយន្ត ក្រុមហ៊ុនបច្ចេកវិទ្យា កម្មករ កសិករ ម្ចាស់កសិដ្ឋាន និងអ្នកផលិតរបស់យើង»។

ព័ត៌មានលម្អិតនៃក្របខ័ណ្ឌសម្រាប់កិច្ចព្រមព្រៀងត្រូវបានចេញផ្សាយនៅក្នុងសេចក្តីថ្លែងការណ៍រួមរបស់ប្រទេសទាំងពីរ ហើយឯកសារការពិតត្រូវបានចេញដោយសេតវិមាន ខណៈអ្នកចរចារបស់ប្រទេសទាំងពីរ នឹងបញ្ចប់ចុងក្រោយកិច្ចព្រមព្រៀងជាក់ស្តែងនៅប៉ុន្មានសប្តាហ៍ខាងមុខនេះ។

សេចក្តីថ្លែងការណ៍បាននិយាយថា «ថ្ងៃនេះ សហរដ្ឋអាមេរិក និងសាធារណៈរដ្ឋឥណ្ឌូណេស៊ី បានព្រមព្រៀងលើក្របខ័ណ្ឌមួយសម្រាប់ការចរចាលើកិច្ចព្រមព្រៀងពាណិជ្ជកម្មបដិការ ដើម្បីពង្រឹងទំនាក់ទំនងសេដ្ឋកិច្ចទ្វេភាគី ដែលនឹងផ្តល់ឱ្យអ្នកនាំចេញរបស់ប្រទេសទាំងពីរនូវលទ្ធភាពទទួលបានទីផ្សារពីគ្នាទៅវិញទៅមក» ។