ក្រុមអ្នករុករករ៉ែក្នុងតំបន់បាននិយាយថា ប្រតិបត្តិការជួយសង្គ្រោះនៅអណ្តូងរ៉ែមាស Lomera តាមបែបប្រពៃណីនៅភាគខាងកើតប្រទេសកុងហ្គោ បានបន្តកាលពីថ្ងៃអង្គារ ទី២២ ខែកក្កដា បន្ទាប់ពីការបាក់បង្គោលទម្រកាលពីចុងសប្តាហ៍ដែលបានធ្វើឲ្យជាប់ខ្លួនអ្នករុករករ៉ែដែលមិនដឹងចំនួនពិប្រាកដនៅក្រោមដី។

ឧបទ្ទវហេតុបានកើតឡើងកាលពីថ្ងៃអាទិត្យ ក្នុងពេលមានភ្លៀងធ្លាក់ខ្លាំងនៅក្នុងតំបន់ Luhihi ភាគខាងត្បូងទីក្រុង Kivu ដែលបានបង្ហាញពីស្ថានភាពការងារដ៏គ្រោះថ្នាក់នៅទីតាំងនេះ និងកង្វះការត្រួតពិនិត្យបទប្បញ្ញត្តិ។

អ្នកនៅរស់រានមានជីវិត បានពិពណ៌នាអំពីរចនាសម្ព័ន្ធដែលរង្គើ ដោយបង្ខំអ្នករុករករ៉ែមួយចំនួនភៀសខ្លួនចេញ។

ការជីកយករ៉ែតាមបែបប្រពៃណី គឺជាប្រភពចំណូលដ៏សំខាន់មួយនៅភាគខាងកើតប្រទេសកុងហ្គោ ប៉ុន្តែជារឿយៗត្រូវបានញាំញីដោយគ្រោះថ្នាក់ធ្ងន់ធ្ងរ ខណៈមានការត្រួតពិនិត្យមិនគ្រប់គ្រាន់ និងវិធានការសុវត្ថិភាពមិនប្រសើរ។

អាជ្ញាធរ នៅពុំទាន់បានបង្ហាញពីចំនួនអ្នកស្លាប់ជាផ្លូវការ ឬបញ្ជាក់ពីចំនួនអ្នករុករករ៉ែដែលបាត់ខ្លួននៅឡើយ ទោះបីជាប្រភពក្នុងស្រុកបានប៉ាន់ស្មានថា មនុស្សរាប់សិបនាក់អាចជាប់នៅក្រោមដីនៅពេលដែលអណ្តូងរ៉ៃបានបាក់ស្រុត។