ប្រទេសប្រេស៊ីលបាននិយាយថា ខ្លួននឹងធ្វើអន្តរាគមន៍ក្នុងរឿងក្តីមួយនៅចំពោះមុខតុលាការយុត្តិធម៌អន្តរជាតិ (ICJ) ដោយចោទប្រកាន់ថា អ៊ីស្រាអែលកំពុងប្រព្រឹត្តអំពើប្រល័យពូជសាសន៍នៅតំបន់ហ្កាហ្សា ខណៈប្រទេសមិនមែនលោកខាងលិចជាច្រើន បង្កើនការអំពាវនាវឱ្យមានសម្ពាធកាន់តែខ្លាំង។

ក្រសួងការបរទេសប្រេស៊ីល បាននិយាយកាលពីថ្ងៃពុធថា ក្រសួងស្ថិតនៅក្នុង «ដំណាក់កាលចុងក្រោយ» នៃការបញ្ជូនអន្តរាគមន៍ជាផ្លូវការទៅតុលាការ ICJ ទាក់ទងនឹងរឿងក្តីនេះ ដែលដំបូងឡើយនាំយកមកដោយប្រទេសអាហ្វ្រិកខាងត្បូង។

ក្រសួងការបរទេស បាននិយាយនៅក្នុងសេចក្តីថ្លែងការណ៍ថា «សហគមន៍អន្តរជាតិ មិនអាចរក្សាភាពអសកម្មក្នុងការប្រឈមទៅនឹងអំពើដ៏ឃោរឃៅដែលកំពុងកើតមានឡើងនោះទេ»។ និទណ្ឌភាព ធ្វើឱ្យអន្តរាយដល់ភាពស្របច្បាប់អន្តរជាតិ និងធ្វើឱ្យខូចដល់ភាពជឿជាក់នៃប្រព័ន្ធពហុភាគី»។

អន្តរាគមន៍តាមផែនការរបស់ប្រទេសប្រេស៊ីលនៅក្នុងរឿងក្តីនេះ ដែលត្រូវបានរាយការណ៍ដំបូងដោយកាសែតប្រេស៊ីល Folha de S Paulo ធ្វើឡើងនៅពេលដែលការរំលោភបំពានរបស់អ៊ីស្រាអែលនៅក្នុងតំបន់ហ្កាហ្សា រួមទាំងការរឹតបន្តឹងយ៉ាងខ្លាំងលើជំនួយដែលបាននាំឱ្យតំបន់ហ្កាហ្សាស្ទ្រីបឈានដល់មាត់ជ្រោះនៃភាពអត់ឃ្លាន។

សេចក្តីថ្លែងការណ៍បាននិយាយថា «រដ្ឋាភិបាលប្រេស៊ីលប្រកាសថាខ្លួនស្ថិតក្នុងដំណាក់កាលចុងក្រោយនៃការបញ្ជូនអន្តរាគមន៍ជាផ្លូវការក្នុងរឿងក្តីដែលកំពុងដំណើរការនៅតុលាការយុត្តិធម៌អន្តរជាតិ(ICJ) នាំមកដោយប្រទេសអាហ្វ្រិកខាងត្បូងក្រោមអនុសញ្ញាស្តីពីការទប់ស្កាត់ និងការដាក់ទណ្ឌកម្មលើឧក្រិដ្ឋកម្មប្រល័យពូជសាសន៍»។