តុលាការយុត្តិធម៌អន្តរជាតិ(ICJ)និយាយថា ប្រទេសនានាមានកាតព្វកិច្ចនៅក្រោមច្បាប់អន្តរជាតិ ដើម្បីចាត់វិធានការប្រឆាំងបម្រែបម្រួលអាកាសធាតុ រួមទាំងការទប់ស្កាត់ការបំភាយឧស្ម័នផ្ទះកញ្ចក់ផងដែរ។ តុលាការ ICJ បានចេញការណែនាំរបស់ខ្លួនលើកាតព្វកិច្ចរបស់រដ្ឋនានា ទាក់ទងនឹងបម្រែបម្រួលអាកាសធាតុ កាលពីថ្ងៃពុធនៅក្នុងទីក្រុងឡាអេ ប្រទេសហូឡង់។

ប្រធានតុលាការ ICJ លោក Iwasawa Yuji បាននិយាយថា «ផលវិបាកនៃបម្រែបម្រួលអាកាសធាតុ មានសភាពធ្ងន់ធ្ងរនិងរាលដាល» ហើយ «ផលវិបាកទាំងនេះបញ្ជាក់ពីការគំរាមកំហែងភ្លាមៗ និងអត្ថិភាព បង្កឡើងដោយបម្រែបម្រួលអាកាសធាតុ»។ តុលាការ ក៏បាននិយាយផងដែរថា ប្រទេសនានាចាំបាច់ត្រូវការពារបរិស្ថានដើម្បីទទួលបានភាពពេញចិត្តនូវសិទ្ធិមនុស្ស។

តុលាការបានសង្កត់ធ្ងន់ថា ដំណោះស្រាយពេញលេញចំពោះបញ្ហានេះ «ទាមទារការរួមចំណែកគ្រប់វិស័យនៃចំណេះដឹងរបស់មនុស្ស»។ តុលាការ បានបង្ហាញក្តីសង្ឃឹមថា ការសន្និដ្ឋានរបស់ខ្លួននឹងជួយផ្តល់ព័ត៌មាន និងណែនាំសកម្មភាពសង្គមនិងនយោបាយ ដើម្បីដោះស្រាយវិបត្តិអាកាសធាតុដែលកំពុងកើតមានឡើង។