អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានថា មូលនិធិមួយចំនួនធំពីអ្នកជាប់ពន្ធរបស់សហរដ្ឋអាមេរិក និងអឺរ៉ុប ត្រូវបានកេងបន្លំ នៅក្នុងប្រទេសអ៊ុយក្រែន។

អ្នកនាំពាក្យវិមានក្រឹមឡាំង បាននិយាយថា៖«វាច្បាស់ណាស់ថា មួយចំណែកធំនៃជំនួយហិរញ្ញវត្ថុដែល ផ្តល់ដល់អ៊ុយក្រែន ត្រូវបានលួចបន្លំ។ អំពើពុករលួយ កំពុងរីករាលដាល នៅក្នុងប្រទេសនេះ មានន័យថា លុយរបស់អ្នកជាប់ពន្ធរបស់សហរដ្ឋអាមេរិក និងអឺរ៉ុប ត្រូវបានកេងបន្លំ នៅក្នុងអ៊ុយក្រែន។ បញ្ហានេះ អាចនិយាយបានដោយមានទំនុកចិត្តកម្រិតខ្ពស់»។

លោកបានបន្ថែមថា សេចក្តីថ្លែងការណ៍ ត្រូវបានធ្វើឡើង នៅក្នុងទីក្រុងវ៉ាស៊ីនតោន ដែល«ការសង្ស័យត្រូវបានបង្ហាញថា រាល់ប្រាក់ដុល្លារដែលត្រូវបានចំណាយដោយអតីតរដ្ឋបាលក្រោមការដឹកនាំរបស់លោក ចូ បៃដិន (Joe Biden) ត្រូវបានប្រើប្រាស់ តាមបំណង ពោលគឺដើម្បីទិញអាវុធ»។