ប្រធានាធិបតីអាមេរិក លោក ដូណាល់ ត្រាំ បាននិយាយថា សហភាពអឺរ៉ុប គួរតែចាប់ផ្តើមបង់ប្រាក់សម្រាប់សព្វាវុធអាមេរិកដែលផ្គត់ផ្គង់ដល់អ៊ុយក្រែន កាលពីបីឆ្នាំមុន។

លោកបានថ្លែងប្រាប់សន្និសីទស្តីពីបញ្ញាសិប្បនិម្មិត នៅទីក្រុងវ៉ាស៊ីនតោនថា៖ «យើងទើបតែបានធ្វើកិច្ចព្រមព្រៀង ជាមួយសហភាពអឺរ៉ុប ដែលពួកគេនឹងបង់ប្រាក់ឲ្យសហរដ្ឋអាមេរិក ១០០% នៃថ្លៃគ្រឿងយុទ្ធោបករណ៍ទាំងអស់។ ពួកគេនឹងបញ្ជូនពួកវាទៅសហភាពអឺរ៉ុប ហើយបន្ទាប់មកពួកគេ នឹងចែកចាយ ហើយភាគច្រើននឹងទៅអ៊ុយក្រែន។ វាមានរយៈពេលយូរណាស់មកហើយ ចាប់តាំងពីអ្នកបានឮពាក្យសម្តីទាំងនោះ។ យើងរំពឹងថា នឹងទទួលបានប្រាក់៣៥០ពាន់លានដុល្លារសម្រាប់សម្ភារៈយោធាទាំង ប៉ុន្តែឥឡូវនេះយើងបានពួកវាទៅអឺរ៉ុប ហើយអឺរ៉ុបបង់ប្រាក់ទាំងនេះ។

លោកបានកត់សម្គាល់ថា ប៉ុន្តែពួកគេ (អឺរ៉ុប) នឹងចំណាយប្រាក់នោះ នៅសហរដ្ឋអាមេរិកជាមួយក្រុមហ៊ុនការពារជាតិរបស់យើង ហើយយើងនឹងបញ្ជូន(អាវុធ) ឲ្យពួកគេ ហើយពួកគេនឹងបែងចែកគ្រឿងយុទ្ធោបករណ៍ ដែលយើងបានបញ្ជូនទៅឲ្យពួកគេនោះ។

លោកបានបន្ថែមថា៖«យើងមានកិច្ចប្រជុំដ៏ធំមួយរបស់អង្គការណាតូ កាលពីប៉ុន្មានសប្តាហ៍មុន ហើយវាពិតជាអស្ចារ្យណាស់។ តើមានអ្វីកើតឡើង? ពួកគេបានយល់ព្រមចំណាយពី ២% ទៅ ៥% នៃផលិតផលក្នុងស្រុកសរុប (GDP)របស់ពួកគេ។ ការចំណាយបែបនេះ គឺពិតជាសំខាន់ណាស់។ ដូច្នេះអង្គការនេះ នឹងទទួលបានវិភាគទានរាប់សែនកោដិដុល្លារ។