អាជ្ញាធរឥណ្ឌូនេស៊ី បាននិយាយនៅថ្ងៃព្រហស្បតិ៍នេះថា ពួកគេបានចាប់ខ្លួនជនបរទេស ពីរនាក់ ដែលត្រូវបានចោទប្រកាន់ពីបទរត់ពន្ធកូកាអ៊ីន ទៅកាន់កោះទេសចរណ៍បាលី។

បុរសជនជាតិប្រេស៊ីលម្នាក់ និងស្ត្រីអាហ្រ្វិកខាងត្បូងម្នាក់ ត្រូវបានចាប់ខ្លួនដាច់ដោយឡែកពីគ្នា កាលពីថ្ងៃទី ១៣ ខែកក្កដា បន្ទាប់ពីមន្រ្តីគយនៅអាកាសយានដ្ឋានអន្តរជាតិកោះបាលី បានឃើញរបស់របរដែលគួរឲ្យសង្ស័យ នៅក្នុងវ៉ាលីរបស់បុរសនោះ និងខោក្នុងរបស់ស្ត្រី នៅពេលស្កែនកាំរស្មីអ៊ិច។

ប្រទេសឥណ្ឌូនេស៊ី មានច្បាប់គ្រឿងញៀនដ៏តឹងរ៉ឹងបំផុត ហើយអ្នករត់ពន្ធដែលត្រូវបានកាត់ទោសរួច ជួនកាលត្រូវបានប្រហារជីវិត ដោយក្រុមបាញ់សម្លាប់។

លោក Made Sinar Subawa ប្រធានផ្នែកលុបបំបាត់គ្រឿងញៀន នៅទីភ្នាក់ងារប្រឆាំងសារធាតុកាកូអ៊ីននៃកោះបាលី បាននិយាយថា បុរសជនជាតិប្រេស៊ីលអាយុ ២៥ឆ្នាំ ដែលនរគបាលកំណត់អត្តសញ្ញាណដោយឈ្មោះ YB ត្រូវបានចាប់ខ្លួន ជាមួយនឹងថ្នាំញៀនកូកាអ៊ីន ៣០៨៦,៣៦ក្រាម (៦,៨ផោន) នៅក្នុងស្រទាប់វ៉ាលី និងកាបូបស្ពាយរបស់ខ្លួនភ្លាមៗ បន្ទាប់ពីបុរសនេះ បានមកដល់អាកាសយានដ្ឋាន ពីទីក្រុង  ឌូបៃ។