សម្ព័ន្ធមិត្តប្លុកអ៊ឺរ៉ុប របស់អ៊ុយក្រែន បានបន្តប្រមូលធនធានរបស់ខ្លួនកាន់តែច្រើននៅសប្តាហ៍នេះ ដើម្បីផ្តល់ឱ្យអ៊ុយក្រែន ដែលហែកហួរដោយសង្រ្គាម ជាមួយនឹងប្រព័ន្ធការពារដែនអាកាសប្រឆាំងនឹងយានដ្រូន និងមីស៊ីលបាលីស្ទិក។

ជាមួយគ្នានេះ សហភាពអឺរ៉ុបក៏ប្រកាសពីការដាក់ទណ្ឌកម្មជុំទី១៨ ដែលរៀបចំឡើងដើម្បីរំខានការនាំចូលថាមពលរបស់រុស្ស៊ីទាំងអស់ ហើយបានស្នើឱ្យមានការបង្កើនចំនួន ៥ដងនៃថវិកាការពារជាតិរួមគ្នា ដើម្បីជំរុញការស្រាវជ្រាវ និងលទ្ធកម្មការពារជាតិរបស់ប្លុកអឺរ៉ុប។

បណ្ដាមេដឹកនាំអឺរ៉ុប បានបញ្ចុះបញ្ចូលសហរដ្ឋអាមេរិក ឱ្យចូលរួមជានិមិត្តរូបម្តងទៀតជាមួយក្រុមទំនាក់ទំនងការពារជាតិអ៊ុយក្រែន ចំនួន ៥២ប្រទេស ដែលសម្របសម្រួលការបរិច្ចាគផ្នែកការពារជាតិ ប៉ុន្តែមិនមែនជាម្ចាស់ជំនួយធំនោះទេ។

នៅឯកិច្ចប្រជុំថ្ងៃចន្ទ (២១ កក្កដា) សប្ដាហ៍នេះនៃសម្ព័ន្ធមិត្តរបស់អ៊ុយក្រែន ដែលគេស្គាល់ថាជាទម្រង់ Ramstein ដូចឈ្មោះទីក្រុងម្ចាស់ផ្ទះអាល្លឺម៉ង់ គេបានមើលឃើញចក្រភពអង់គ្លេស និងអាល្លឺម៉ង់សន្យារួមគ្នាផ្តល់ឱ្យអ៊ុយក្រែន នូវមីស៊ីលជាច្រើនទៀតដើម្បីការពារផ្ទៃមេឃរបស់ប្រទេសនេះ ដោយមិនបញ្ជាក់ច្បាស់ឡើយ។ គួរឱ្យដឹងថា អ៊ុយក្រែនប្រើប្រាស់ប្រព័ន្ធការពារមីស៊ីល IRIS-T និង NASAMS រួមទាំង SHORAD ដែលផលិតដោយអាល្លឺម៉ង់ ប្រឆាំងនឹងការវាយប្រហារយានដ្រូនរុស្ស៊ី ដែលកើនឡើងកាន់តែខ្លាំងក្លាក្នុងប៉ុន្មានសប្តាហ៍ថ្មីៗនេះ៕