អង្គការគ្រូពេទ្យគ្មានព្រំដែន បាននិយាយនៅថ្ងៃសុក្រនេះថា មួយភាគបួននៃកុមារតូចៗ និងស្ត្រីមានផ្ទៃពោះ ឬស្ត្រីបំបៅដោះកូនទាំងអស់ ដែលបានពិនិត្យនៅគ្លីនិករបស់ខ្លួន នៅតំបន់ហ្កហ្សាកាលពីសប្តាហ៍មុន ត្រូវបានកង្វះអាហារូបត្ថម្ភ ដោយបានបន្ទោសលើ «គោលនយោបាយនៃបង្អត់អាហារ» របស់អ៊ីស្រាអែល។

ក្រុមជំនួយផ្នែកវេជ្ជសាស្រ្ដដែលគេស្គាល់ដោយអក្សរកាត់ ជាភាសាបារាំងរបស់ខ្លួន MSF បាននិយាយថា៖ «ការប្រើប្រាស់ចេតនារបស់អាជ្ញាធរអ៊ីស្រាអែលនៃការបង្អត់អាហារ ជាអាវុធនៅក្នុងហ្កាហ្សា បានឈានដល់កម្រិតដែលមិនធ្លាប់មានពីមុនមក ដោយអ្នកជំងឺ និងបុគ្គលិកថែទាំសុខភាពខ្លួនឯងឥឡូវនេះ កំពុងតស៊ូ ដើម្បីរស់»។

ក្រុមជំនួយនេះ បាននិយាយថា បុគ្គលិករបស់ខ្លួននៅក្នុងទឹកដីប៉ាឡេស្ទីន ដែលត្រូវបានឡោមព័ទ្ធ និងហែកហួរដោយសង្រ្គាម កំពុងទទួលបានអ្នកជំងឺដែលខ្វះអាហារូបត្ថម្ភកាន់តែច្រើនឡើង។

អង្គការនេះ បានបន្តថា៖«ឆ្លងកាត់ការពិនិត្យលើកុមារដែលមានអាយុពី ៦ខែដល់ ៥ឆ្នាំ និងស្ត្រីមានផ្ទៃពោះ និងបំបៅដោះកូន នៅគ្លីនិករបស់ MSF កាលពីសប្តាហ៍មុន ២៥ភាគរយ គឺកង្វះអាហារូបត្ថម្ភ»។