ប្រទេសរុស្ស៊ីកាលពីថ្ងៃសុក្រ បានអះអាងថា ខ្លួនបានគ្រប់គ្រងកន្លែងតាំងទីលំនៅចំនួន ៥កន្លែង កាលពីសប្តាហ៍មុន ហើយអ៊ុយក្រែនក៏បានរាយការណ៍ដែរថា កងទ័ពរបស់ខ្លួន បានវាយបកទៅការវាយលុក របស់រុស្ស៊ី អស់រយៈពេលជាច្រើនថ្ងៃកន្លងមក។

ក្រសួងការពារជាតិរុស្ស៊ី បាននិយាយនៅក្នុងរបាយការណ៍ប្រចាំសប្តាហ៍របស់ខ្លួនកាលពីថ្ងៃសុក្រថា ក្នុង  រយៈពេលមួយសប្តាហ៍កន្លងមកនេះ កងកម្លាំងរុស្ស៊ី បានគ្រប់គ្រងកន្លែងតាំងទីលំនៅចំនួន ៥កន្លែង និងបានធ្វើការវាយប្រហាររួមគ្នាចំនួន ១០ ទៅលើគោលដៅយោធា រួមទាំងកន្លែងឧស្សាហកម្មការពារជាតិអ៊ុយក្រែន ហេដ្ឋារចនាសម្ព័ន្ធអាកាសយានដ្ឋានយោធា និងកន្លែងដំឡើង និងផ្ទុកយានដ្រូនរបស់អ៊ុយ  ក្រែន។

យោងតាមក្រសួងបានឲ្យដឹងថា កងនាវាចរណ៍សមុទ្រខ្មៅរបស់រុស្ស៊ី បានបំផ្លាញទូកគ្មានមនុស្សបើករបស់អ៊ុយក្រែនចំនួន ៤គ្រឿង ហើយប្រព័ន្ធការពារដែនអាកាសរុស្ស៊ី បានស្ទាក់ចាប់ និងបាញ់ទម្លាក់គ្រាប់បែកពីលើអាកាសអ៊ុយក្រែនចំនួន ២៧គ្រាប់ គ្រាប់រ៉ូកែត ចំនួន ៧គ្រាប់ មីស៊ីលប្រឆាំងនាវា Neptune ចំនួន ៤គ្រឿន និងយានដ្រូនចំនួន ២.០៤៩គ្រឿង។

អគ្គសេនាធិការនៃកងកម្លាំងប្រដាប់អាវុធអ៊ុយក្រែន បាននិយាយនៅក្នុងការធ្វើបច្ចុប្បន្នភាពនៅសមរភូមិរបស់ខ្លួន កាលពីថ្ងៃសុក្រថា ការចូលរួមប្រយុទ្ធចំនួន ៨៥លើក បានកើតឡើង នៅតាមខ្សែត្រៀមជួរមុខ គិតត្រឹមរសៀលថ្ងៃសុក្រ ដោយមានការប្រយុទ្ធគ្នាខ្លាំងបំផុត បានកើតឡើង នៅក្នុងតំបន់ Pokrovskទេ ។