នាយករដ្ឋមន្ត្រីអង់គ្លេស លោក Keir Starmer បានថ្កោលទោសអ៊ីស្រាអែលជាមួយនឹងការអត្ថាធិប្បាយខ្លាំងបំផុតរបស់លោក ខណៈសម្ពាធកើនឡើងក្នុង និងក្រៅរដ្ឋាភិបាល ឲ្យអង់គ្លេសទទួលស្គាល់រដ្ឋប៉ាឡេស្ទីនជាផ្លូវការ។

ការអត្ថាធិប្បាយរបស់លោក Starmer បានធ្វើឡើង បន្ទាប់ពីប្រធានាធិបតីបារាំងលោក អាម៉ានុយអែល ម៉ាក្រុង (Emmanuel Macron) បាននិយាយថា ប្រទេសរបស់លោក នឹងទទួលស្គាល់រដ្ឋប៉ាឡេស្ទីនមួយ ហើយខណៈដែលមេដឹកនាំទាំងពីរ រួមជាមួយអធិការបតីអាល្លឺម៉ង់លោក Friedrich Merz គ្រោងនឹងធ្វើការអំពាវនាវជាបន្ទាន់ចំពោះបញ្ហានេះ។

នាយករដ្ឋមន្ត្រីអង់គ្លេស បាននិយាយថា៖«ការរងទុក្ខ និងភាពអត់ឃ្លាន ដែលកើតឡើងនៅក្នុងតំបន់ហ្កា ហ្សា គឺមិនអាចនិយាយបាន និងមិនអាចការពារបានទេ។ ខណៈពេលដែលស្ថានការណ៍កាន់តែធ្ងន់ធ្ងរ មួយរយៈ វាបានឈានដល់កម្រិតធ្ងន់ធ្ងរបំផុត នាពេលថ្មីៗនេះ និងបន្តកាន់តែអាក្រក់ឡើងៗ។ យើងកំពុងមើលឃើញពីមហន្តរាយមនុស្សធម៌ជាក់ស្តែង»។

ជាលើកដំបូងដែលយោងទៅលើអ៊ីស្រាអែល សេចក្តីថ្លែងការណ៍របស់លោក បានបរាជ័យ ក្នុងការលើកឡើងអំពីសិទ្ធិរបស់ប្រទេសនេះ ក្នុងការការពារខ្លួន ឬចំណាប់ថ្នូរ ដែលត្រូវបានចាប់ខ្លួនដោយក្រុមហាម៉ាស និងក្រុមសកម្មប្រយុទ្ធដទៃទៀត។