អង្គការសុខភាពពិភពលោក WHO បានព្រមានថា កង្វះអាហារូបត្ថម្ភបានឈានដល់កម្រិតប្រកាសអាសន្ននៅក្នុងតំបន់ហ្កាហ្សា ជាមួយនឹងអត្រាខ្ពស់ដ៏គ្រោះថ្នាក់ ខណៈការទម្លាក់ជំនួយពីលើអាកាសបានបន្តនៅក្នុងតំបន់ហ្កាហ្សាស្ទ្រីប។

ហ្ស៊កដានីបាននិយាយថា ខ្លួនបានធ្វើការជាមួយប្រទេសអារ៉ាប់រួម ហើយបានទម្លាក់ជំនួយ ២៥ តោនចូលទៅក្នុងដែនដីហ្កាហ្សាកាលពីថ្ងៃអាទិត្យ បន្ទាប់ពីអ៊ីស្រាអែលបានចាប់ផ្តើមនូវអ្វីដែលគេហៅថា ការផ្អាកបែបតាកទិកក្នុងការប្រយុទ្ធ។

អ៊ីស្រាអែលបាននិយាយថា ខ្លួននឹងបញ្ឈប់ប្រតិបត្តិការយោធារយៈពេល ១០ ម៉ោងក្នុងមួយថ្ងៃនៅក្នុងផ្នែកខ្លះនៃតំបន់ហ្កាហ្សា និងអនុញ្ញាតឱ្យមានច្រករបៀងជំនួយសម្រាប់ក្បួនរថយន្តរបស់អង្គការសហប្រជាជាតិ ដើម្បីបង្ហាញពីការអះអាងមិនពិតនៃភាពអត់ឃ្លានដោយចេតនា។ ក្រុមហាម៉ាសបានចោទប្រកាន់ អ៊ីស្រាអែលថា បានព្យាយាមលាងខ្លួន។

កាលពីថ្ងៃអាទិត្យ កងកម្លាំងការពារអ៊ីស្រាអែល (IDF) បាននិយាយថា ខ្លួនបានទម្លាក់កញ្ចប់ជំនួយចំនួន ៧ ដែលមានម្សៅមី ស្ករ និងអាហារកំប៉ុង។

IDF បាននិយាយថា កងទ័ពរបស់ខ្លួន បានបាញ់ព្រមាន នៅឯការប្រមូលផ្តុំជនសង្ស័យ ដែលទៅជិតពួកគេ ហើយបាននិយាយថាខ្លួនមិនបានដឹងពីការស្លាប់និងរបួសណាមួយទេ។

ក្រសួងសុខាភិបាលគ្រប់គ្រងដោយក្រុមហាម៉ាស និយាយថា មនុស្សជាង១០០នាក់បានស្លាប់ដោយសារកង្វះអាហារូបត្ថម្ភក្នុងពេលប៉ុន្មានថ្ងៃថ្មីៗនេះ ៕