នៅតាមព្រំដែនជាមួយប្រទេសអ៊ីរ៉ង់ លោក Fatima Rezaei បានចែកចាយអាហារ និងផលិតផលអនា ម័យដល់ជនជាតិអាហ្វហ្គានីស្ថាន ដែលត្រូវបង្ខំឲ្យវិលត្រឡប់មកប្រទេសវិញ ដោយមិនអាចឈរនៅស្ងៀមបានទេ ខណៈដែលវិបត្តិការនិរទេស កំពុងកើនឡើង។

បុរសអាយុ ២២ ឆ្នាំរូបនេះ គឺជាអ្នកស្ម័គ្រចិត្តម្នាក់ក្នុងចំណោមអ្នកស្ម័គ្រចិត្តអាហ្វហ្គានីស្ថានជាច្រើនដែលប្រមូលផ្តុំគ្នា ដើម្បីជួយជនរួមជាតិរបស់ពួកគេ បើទោះបីជាខ្លួនពួកគេមានធនធានតិចតួចក៏ដោយ។

ចាប់តាំងពីដើមឆ្នាំមក ជនជាតិអាហ្វហ្គានីស្ថានជាង ១,៦លាននាក់ រួមទាំងកុមារជាច្រើន បានវិលត្រឡប់មកវិញ បន្ទាប់ពីត្រូវបាននិរទេស ឬបណ្តេញចេញពីប្រទេសអ៊ីរ៉ង់ ដែលចោទប្រកាន់ពួកគេពីបទជំរុញភាពអត់ការងារធ្វើ និងឧក្រិដ្ឋកម្ម។

លោក Rezaei បាននិយាយថា៖«វាមិនសំខាន់ទេថាតើអ្នកមានលុយច្រើនឬអត់។ ខ្ញុំមិនមានច្រើនទេ ប៉ុន្តែដោយមានជំនួយពីជនជាតិអាហ្វហ្គានីស្ថាននៅទីនេះ និងក្រៅប្រទេស ពួកយើងត្រូវប្រឹងប្រែង។

យោងតាមឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) ចំនួននៃការឆ្លងកាត់នៅព្រំដែន Islam Qala បានកើនឡើងដល់ ៣០.000នាក់ ត្រឹមតែរយៈពេលប៉ុន្មានថ្ងៃប៉ុណ្ណោះ ដោយកើនឡើងដល់ ៥០.000នាក់ កាលពីថ្ងៃទី ០៤ ខែកក្កដា។